Білім беру жүйесіндегі кеңестік үкімет реформаларының қарама-қайшылықтары: қазақ тілінің араб таңбасынан кириллицаға ауысуы және А. Байт

БОӨЖ 4

Тақырыбы: Білім беру жүйесіндегі кеңестік үкімет реформаларының қарама-қайшылықтары: қазақ тілінің араб таңбасынан кириллицаға ауысуы және А. Байтұрсынов бастаған топ реформаларына қарсылық көрсетуін талдау.

Тапсырма: жоғарыдағы тақырыптар бойынша ғылыми-зерттеу жобасын әзірлеу.

Ғылыми-зерттеу жобасының негізгі кезеңдері

- проблеманың өзектілігі

- зерттеу саласын анықтау (негізгі мәселелелерді белгілеу);

- зерттеу тақырыбын таңдау (зерттеу шеңберін белгілеу);

- шешімге келу тәсілдерін анықтау, жүйелеу (зерттеу әдістерін таңдау);

- зерттеу жүргізудің жүйелілігін анықтау;

- ақпарараттар жинау, реттеу (алған білімдерін есепке алу);

- алынған материалдарды жинақтау, талдау (белгілі әдіс-тәсілдерді қолдана отырып, материалдарды жинақтау);

- есеп беруге дайындау (негізгі түсініктерге анықтама беру, зерттеу нәтижесі бойынша хабарлама дайындау);

- баяндама (зерттеу нәтижелерін құрбылары алдында баяндау, сұрақтарға жауап беру).

Зерттеу жүргізудегі ең маңызды нәрсе проблеманы көре білу. Проблема жай ғана мәселе деген сөз емес, «problema» сөзі ежелгі грек тілінен аударғанда «міндет», «кедергі», «қиындық» деген ұғымды білдіреді. Проблема теориялық немесе практикалық болуы мүмкін. Ол - белгілі бір қиыншылыққа тап болу. Қиындықтан шығу зерттеуге бағытталған жан-жақты ізденісті талап етеді.

Ғылыми-зерттеу жобасын бағалау талаптары: 

- материалды ойға қонымды, сауатты, қатесіз баяндауы;

- кәсіби терминологияны еркін меңгеруі;

- өз ойын, пікірін айта білуі, жеткізе білуі, негіздей білуі;

- теориялық сұрақтарға нақты, толық, дұрыс жауап беруі;

- теорияны практикамен байланысын ұйымдастыра білуі.

БОӨЖ-ді рәсімдеуге қойылатын талаптар:

Сабақтың түрі (мысалы, БОӨЖ 1), сабақтың тақырыбы, автор туралы мәлімет (аты-жөні, тобы), ақпарат алынған дерек көздер (мысалы, Әминов Т.М. Қазіргі Қазақстан тарихы: Оқу құралы. - Алматы, 2017) жазылуы керек.