Мектептегі биология сабақтарында оқушыларды еңбекке тәрбиелеу

Мектептегі биология сабақтарында оқушыларды еңбекке

     тәрбиелеу

                                             Жоспар

Кіріспе

I. Тәрбие жолы – сан алуан

      1.1  Адам тұлғасы дамуында еңбектің ролі.

        1.2  Еңбек тәрбиесінің мазмұны және жүйесі.

        1.3  Мектепте кәсіптік бағдар беру жұмысы.

II. Мектептегі биология сабақтарында еңбекке

     тәрбиелеу

       2.1  6-сыныпқа "Гүл шоғырлары " тақырыбын өту барысында

                оқушыларды еңбекке тәрбиелеу әдістемесі.                                  

         2.2  Тірі табиғат бұрышында оқушыларды еңбекке тәрбиелеу

                әдістемесі.

         2.3  Оқу – тәжірибе үлескісінде оқушыларды еңбекке

                тәрбиелеу әдістемесі.

    Қорытынды

 Кіріспе

 Таңдау себебім: Адамның  жан – жақты   және үйлесімді  дамуында  еңбектің атқаратын ролі зор. Еңбек адамды  ұқыптылыққа, тиянақтылыққа сабырлылыққа тәрбиелейді сонымен қоса адамның денсаулығын жақсартып, денесін шынықтырады. Қазіргі таңда мектеп оқушыларының, сонымен қоса жастардың еңбекке деген, еңбек етуге деген құштарлығы төмен. Кейбір мектептерде еңбекке тәрбиелеу, еңбек сабақтарын өз деңгейінде өткізу , сабақты еңбекпен байланыстыра өткізу нашар. Міне, осы жағдай мені өте қатты алаңдатады. Сол себепті де мен осы тақырыпты таңдап, осы арқылы мектептегі өтілетін сабақ барысында соның ішінде биология сабақтарын оқыту барысында оқушыларды еңбекке тәрбиелеудің бірнеше әдістерін зерттеп, үйрену.

   Мақсаты:   Мектеп  оқушыларын  еңбекке тәрбиелеу, болашақ маман иесі болуға, халқымызға аянбай  еңбек етуіне мектеп қабырғасынан даярлау. Әрбір істі тиянақты, ұқыпты істеуге, щаршамауға, өсімдіктерді күтіп баптауға, жануарларға, табиғатқа қамқорлық етуге тәрбиелеу, үйрету. Аянбай еңбек ете отырып  өзінің болашақ мамандығын таңдай білуіне жол көрсету.

  Көкейкестілігі: Қазіргі таңдағы өзекті мәселенің бірі, біздің жастардың  мектеп оқушыларының табиғатқа барынша зиян келтіруі,  өсімдіктерге, жануарларға күтіммен қарамауы, зиянды істер жасауы, орман тоғайларды құртып, өзінің өмір сүріп отырған ортасына, табиғатқа немқұрайлы қарауы.          

      Міне,осындай адам жанын ауыртатын жағдайларды болдырмауға тырысу оны мектетеп қабырғасынан бастау керек.

  Мазмұны:    Бұл жұмыстың негізгі бөлімінің бірінші бөлігінде жалпы еңбек түрлері, сонымен қоса еңбек тің адам тұлғасындағы ролі қарастырылады. Мектепте еңбекке тәрбиелеудің   басты міндеттері, балаларды еңбекке психологиялық және педагогикалық  дұрғыдан тәрбиелеу айтылады.

      Ал, екінші бөлігінде  биология сабақтарын оқыту барысында еңбек тәрбиесіне  көп көңіл бөлу, еңбекке байланысты тәрбиені қандай тұрғыда оқыту қарастырылады.  Сонымен қоса  сыныптан тыс сабақтарда тірі табиғат бұрыштарын жасауда , оқу – тәжірибе үлескісінде мәдени өсімдіктерді отырғызу, дәнді дақылдарды егу, оларға күтіммен қарау, баптау кезінде еңбекке тәрбиелеу қарастырылады.

     Нсанасы:  еңбекке тәрбиелей отырып  халқымыздың  “ он саусағынан өнер тамған “ кәсіп иесі  блады деген     тұжырымын дәлелдеу.  

      Ғылыми болжам:  оқушыларды  еңбек тәрбиесінде еңбекке тәрбиелей отырып олардың табиғатты, қоршаған ортаны , жан –жануарларды қорғайтын ,  өз мамандығын жаңылмай таңдай алатын  , халқын ,елін , өзі өмір сүріп отыған ортаны қастерлей білетін азамат болып қалыптасады деп болжаймын.

Зерттеу орындары: қаламыздағы ғылыми кітапханалар, институт кітапханалары. Сонымен қоса оқу – тәжірибе үлескілері, мектептегі, институттағы тірі табиғат бұрыштары.