Өрт қауіпсіздігін оқыту әдістері мен нысандары

Мазмұны

Кіріспе 2

1 Өрт қауіпсіздігінің жалпы ұғымдары мен мәні 3

2 Өрт қауіпсіздігі саласындағы заңнамалық және нормативтік актілер 4

3 Өрт қауіпсіздігін оқыту әдістері мен нысандары 5

3.1 Оқытудың негізгі мақсаттары мен міндеттері 6

3.2 Өрт қауіпсіздігін оқыту: Өртке қарсы нұсқамалар 6

3.3 Өрт - техникалық минимумын ұйымдастыру 8

Қорытынды 10

Қолданылған әдебиеттер тізімі 11

Кіріспе

Өрт қауіпсіздігі адамдардың өмірі мен денсаулығын қорғау жүйесінде, сондай-ақ материалдық құндылықтар мен қоршаған ортаны сақтауда маңызды орын алады. Өрт тұрмыстық та, өндірістік те ортада туындайтын неғұрлым кең таралған және қиратушы қатерлердің бірі болып табылады. Жыл сайын әлемнің көптеген елдерінде адамдардың өліміне, ауыр жарақаттарға, ғимараттар мен инфрақұрылымның қирауына, сондай-ақ едәуір экономикалық шығынға әкеп соғатын көптеген өрттер тіркеледі.

Технологиялардың дамуына және өрттiң алдын алу мен сөндiру жүйелерiнiң жетiлдiрiлуiне қарамастан, адам факторы басты қатер көздерiнiң бiрi болып қалып отыр. Қауiпсiздiк ережелерi туралы елеусiздiк, бiлiмнiң жетiспеушiлiгi, сондай-ақ шұғыл жағдайларда қате iс - әрекеттер көбiнесе апатты зардаптарға әкелiп соғады. Осыған байланысты өрт қауіпсіздігін оқыту өрттердің алдын алу және олардың салдарларын барынша азайту жүйесіндегі негізгі буын болып табылады. Өрт туындаған жағдайда адамдарды сауатты іс - қимылдарға дайындау, өрт қауіпсіздігінің қарапайым ережелерін білу және өрт сөндіру құралдарын пайдалана білу көптеген өмірді сақтап қалуы мүмкіндігін арттырады.

Осы рефераттың мақсаты өрт қауіпсіздігін үйрету тәсілдерін жан - жақты талдау және олардың өрттердің алдын алудағы маңыздылығын анықтау болып табылады. Тиімді оқыту төтенше жағдайлардың туындау қаупін азайтуға қалай көмектесетініне, сондай-ақ дайындықтың әртүрлі нысандары өрт қаупіне дұрыс ден қою үшін қажетті дағдыларды дамытуға қалай ықпал ететініне ерекше назар аударылады.

1 Өрт қауіпсіздігінің жалпы ұғымдары мен мәні

Өрт - бұл адамның өмірі мен денсаулығына, қоғам мен мемлекетке зиянын тигізетін, қоршаған ортаға үлкен материалдық зақым келтіретін, қоршаған ортадағы заттардың бақылаусыз жануы.

Жану дегеніміз – көп мөлшерде жылу шығу және жарық сәуле бөлінуі қоса жүретін күрделі физикалық және химиялық процесс. Жану процесі пайда болып, одан әрі дамуы үшін үш шарт орындалуы керек:

- Жанғыш зат;

- Тотықтырғыш;

- Тұтану көзі.

Бірақ, өрт шығып, өршу үшін бұл факторлар жеткіліксіз болады. Ол үшін, сонымен қатар, мынадай жағдайлар болу керек:

1. жану зонасындағы жанғыш зат пен тотықтырғыш зат белгілі сандық және сапалық қатыста болу керек;

2. тұтандыру көзінің температурасы мен жылу энергиясы жану ортасын өздігінен тұтану температурасына дейін қыздыратындай ету қажет;

3. жану ортасы мен тұтандыру көзі өзара түйісу керек.

Егер бұл жағдайлардың біреуі болмаса, жану процесі болмайды.

Өрттер жанғыш материалдың түрі мынадай негізгі сыныптарға жіктеледі:

- А – қатты жанғыш материалдар (ағаш, қағаз, тоқыма, резеңке, пластмасса және т.б.);

- В – жанғыш сұйықтықтар мен ыстық балқыту материалдары (бензин, еріткіштер, бояулар, лактар, спирт, мұнай, кейбір синтетикалық материалдар, т.б.);

- С – жанғыш газдар (сутегі, ацетилен, пропан, т. б.);

- Д – металдар мен олардың қорытпалары (калий, натрий, алюминий, магний, т.б.);

- Е – қуатталған электр жабдықтары.

Өрт