Инновациялық педагогикалық технологияны енгізу негізінде бәсекеге қабілетті мамандарды қалыптастыру және дамыту

«Инновациялық  педагогикалық  технологияны  енгізу негізінде             бәсекеге қабілетті мамандарды қалыптастыру және дамыту»

Қазіргі таңда білім беру жүйесінде жаңашыл инновациялық ізденістер қалыптасып , жаңа педагогикалық технологиялар мен  оқытудың әдістері  кеңінен қолданылып жатыр. Білім беру саласындағы небір озық технологиялар жан-жақты мамандарды қалыптастыруда үлкен рөл атқаруда. Инновациялық педагогикалық технологияны меңгеру мамандардың рухани-адамгершілік, интеллектуалдық, адами құндылықтарының қалыптасуына оң әсерін тигізіп, өзін-өзі дамытуына ықпал жасайды. Осы арқылы шығармашылық қабілеттерін арттыруға өзінің үлкен үлесін қосады.

Инновациялық педагогикалық технологияның өзіндік қағидалары бар:

-балаға ізгілік тұрғысынан қарау;

-оқыту мен тәрбиенің бірлігі;

-баланың танымдық күшін қалыптастыру және дамыту;

-баланың өз бетімен әрекеттену әдістерін меңгерту;

-баланың танымдылық және шығармашылық икемділігін дамыту;

-әр оқушының дамуы үшін жүйелі жұмыс істеу;

-оқу үрдісін оқушының сезінуі (https://www.tarbie.kz/).                                   Осы қағидаларды ұстанып жұмыс істеу болашақ мамандардың оң нәтиже көрсетуіне өзіндік ықпалын тигізеді.

 Заман талабына сай білім - инновациялық білім болып табылады. Инновациялық білім педагогикалық әлемде жаңа құндылықтарды қалыптастырады. Мамандардың озық тәжірибелерді зерттеп игеруін қамтамасыз етеді. Осы білімді дұрыс қолдана білсек, болашақ маман иелерінің білімді де білікті тұлға болатынына үлкен сеніммен айта аламын!

Инновациялық педагогикалық технологиялар- білім сапасын қамтамасыз етудің маңызды факторы. Себебі, технологияларды қолдану барысында оқытудың тиімді, нақты жолдары көрсетіледі. Жеке тұлғаның өз ерекшеліктерін тануға мүмкіндік туады, теориялық білімін практика жүзінде ұштастыра біледі. Сондықтан инновациялық педагогикалық технологияның маңызды екенін нақты факторлармен келтіре аламыз. Жаңа технологияларды игеру, оны жүзеге асыру педагогтың ықпалы арқылы болады. Педагог өзінің сабақтарында осы технологияларды қолдану аясында алға қойған мақсат-міндетіне жете біледі. Яғни, жеке тұлғаны қалыптастырып, болашақта үлкен маман иесі болуына өз септігін тигізу. Болашақ маман иелерінің жан-жақты болуына оқытушының тікелей байланысымен болады. Әрбір қолданылған технологиялар мен оқытудың арнайы әдістері білімнің дамуына және білім алушының сауатты болуына әсер етеді.