Қолға арналған жаттығулар кешені

Оңтүстік Қазақстан медицина академиясы

«Дене шынықтыру» кафедрасы

Эссе

Тақырыбы: Қолға арналған жаттығулар кешені

Орындаған: Саржайлау А.Ғ.

Тобы: В-ФӨТҚБ  03-19

                                                                         Қабылдаған: Аяпов Е.

Шымкент 2020

Әр адам күн сайын қолдарымен, әсіресе саусақтарымен бірнеше қимыл-қозғалыс жасайтыны белгілі. Ал кейбір мамандықтар саусақ буындарының ептілігін ерекше қажет етеді деп айтса да болады. Бұл машинистер, музыканттар, бағдарламашылар, иллюзионистер және т.б. Тіпті кәдімгі үй бикелерін алса да болады. Өйткені тамақ істеу, үй жинау сияқты тірліктер қолдың ептілігін қажет етеді деп ойлаймын.

Қолдардың шаршағанын басып, еңбекке қабілеттілігін арттыру үшін оларды әрдайым жаттықтырып отыру қажет деп ойлаймын. Саусақтар күшін, шапшаңдығын, қабілеттілігін арттыруға көмектесетін, буын ауруларының алдын алатын бірнеше жаттығулар өте көп деп айтса да болады.

Қол және иыққа арналған жаттығуларды айта кетсем:

Жайға созылған екі қолды жұдырық түйілген күйі ию және қайтадан жазу; Осы қалыпта тұрып иықты айналдыра қозғау; Қолды иыққа қарай иген күйде айналдыра қозғау; Түзу тұрған қолды айналдыру; Қолды бір иіп, бір жазып, серпінді қимыл жасау; Бір қолды жоғары көтеріп, екіншісін кейін серпиді де, осы қимылдар бірнеше қайталанады; Екі қолды алма-кезек алға қарай сілтейді; Қолды жоғары көтеріп тұрып төмен түсіру, керісінше қайталау; Қолды түзу ұстап, алға, жоғары, төмен т. б. түрлі бағыттарға созу. Мұндай қозғалыстарды барлық бағытта істеген жөн.