Менің жоғарғы білімім

        Менің жоғарғы білімім        

Білім - адамның бір бірінен ерекшеленетін белгілерінің бірі. Білім беру - бұл адамның "бейнесін" қалыптастыру процесі мен нәтижесі, яғни мәдениетті игеру және адамзат жинаған тәжірибе, табиғат, қоғам, адам және оның іс-әрекеті туралы білім негізінде арнайы ұйымдастырылған педагогикалық процесс болып саналса, ал оның жетекші компоненттері ретінде оқыту, тәрбиелеу, дамыту, денсаулық сақтау, әлеуметтік бейімделу сынды бірнеше құрылымдарды жатқызуға болады. Жалпы біліммен қоса адамда белгілі бір салада жоғарғы білімнің болуы, оның қоғамға пайдалы маман болуына мүмкіндік береді. Адам жақсы университетте жоғары білім алған кезде, ол өмірдің көптеген салаларында сауатты бола алады: компьютерлік, әлеуметтік, комуникация, білім беру және басқада салалары бойынша. Білікті маман атану үшін менде 2017 жылы әл-Фараби атындағы Қазақ Ұлттық Университетіне география  мамандығына оқуға қабылдандым. Университет қабырғасындағы 4 жыл мен үшін өмірімдегі өте табысты жылдардың бірі болып есте қалмақ. ҚазҰУ біліммен ғана емес, өнермен де айналысуыма мүмкіндік беріп, түрлі іс-шаралардың куәгері атандырды. Конференция, семинар, мерекелік концерт қай-қайсы болмасын менің дамуыма өз үлестерін қосты. «Тал бесіктен жер бесікке дейін білім ізден» деп ертеден ата-бабаларымыз айтқанда, біз неге тоқтауымыз керек?! Жаңаны, жақсыны көрмекке деп, менде өз білімімді тереңдеткім келгендіктен, қос диплом бағдарламасы бойынша оқуымды жалғастырмақ оймен магистратураға түстім.