Ешкім де философияны жастық шағында ысырып тастап, қартайғанда одан шаршамасын

20-06 Мухсумов Әкежан.

Семинар 2. 

         «Ешкім де философияны жастық шағында ысырып тастап, қартайғанда одан шаршамасын. .....философия жасқа да, кәріге де керек, біріншіге жастық жігерді болашақ алдындағы пісіп жетілген батылдықпен ұштастыруға, екіншіге өмірдің соңында рухани жаңарып, өткенге қуану үшін» деген пікірді грек философы Эпикур айтқан екен. Бұл ойдың маңызы неде?

                                                               Эссе

Философия дүниеге деген адамның көзқарасын қалыптастырады. Бұл - осы пәннің ең негізгі функцияларының бірі.Әрине, қайсыбір адамның да дүниеге деген көзқарасы бар. Ол тұрпайы, фантастикалық, діни, мифологиялық т.с.с. болуы мүмкін. Яғни адам өмірде сол жасқа шейін шыңдалып, талай рет маңдайы тасқа соғылып, күнделікті өмірден тәжірибе қорытып, осы қоршаған дүние, қоғам өмірі, адамдардың бір-бірімен катынасы жөнінде белгілі бір көзқарасқа келеді. Әрі қарай жүре келе, ол тіпті белгілі бір даналық сатысына көтеріліп, қартайған шағында философиядағы ашылған өмірге деген көп қағидаларды сол пәнді оқымай-ақ өз-өзіне тағы да ашуы мүмкін.

Жоғарыда айтылған Эпикурдың ойы бойынша, өзімнің жеке пікірімді айтатын болсам. Иа, қазіргі таңда философия бүкіл ғылымдардың тоғысқан саласы деуге болады. Біздің барлық өміріміз осы философиямен тығыз байланысты, жас кезімізден қарттық шағымызға дейін. Философия өмірді танып білу үшін, болашаққа деген жоспарларды іске асыру үшін, рухани жағынан жетілу ушін, өмірлік құндылықтарды түсіну үшін, адами қасиеттерді бағалау ушін  өз септігін тигізері айдан анық. Дүниеге деген терең философиялық көзқарас әсіресе біздің жастарға керек. Өйткені жастар - елдің болашағы. Философияны терең оқып-білген адамның ғана Дүниеге көздері ашық, қазіргі адамзат өміріндегі болып жатқан шым-шытырық тартыс, қайшылықтардың мәнінаша алады. Олай болса, өз өмірінің мән-мағынасын жете түсініп, осы өмірде өзінің шынайы орнын ала алатын болады. Расында, философияны оқу арқылы өзіннің ой өрісініңді дамытуға болады. Бул дәлелденген ақиқат. Кез келген жерде озінің ойын еркін жеткізе алады.