Әйелдерден тазалық деңгейіне жағынды алу

Операциялық рәсімдер стандарты:

Әйелдерден тазалық деңгейіне жағынды алу

1. Мақсаты: диагностикалық (уретрадағы, қынап пен жатыр мойнындағы зиянды микроорганизмдерді және олардың сандық құрамын анықтау үшін).

2. Анықтама:

Флораға жағынды талдау - гинекологиядағы диагностиканың маңызды әдістерінің бірі болып табылады. Жағынды қынаптан, жатыр мойнынан немесе уретрадан алынады. Бұл талдау несеп-жыныс жүйесінің микрофлорасының жағдайын бағалауға және патогендік микроорганизмдердің болуын анықтауға мүмкіндік береді.

5. Ресурстар:

1) стерильді материал;

2) 0,9% натрий хлоридінің ерітіндісі;

3) стерильді құралдар;

4) стерильді қолғап;

5) заттық шыны;

6) гинекологиялық кресло;

7) бір реттік жөргек;

8) қолды өңдеуге арналған тері антисептигі;

9) " Б "класты медициналық қалдықтарды жинауға арналған ыдыс

10) құрал-саймандарға арналған дезинфекциялық құрал.

6. Құжаттама: бөлінетін несеп-жыныс жолдарын зерттеуге жіберуге арналған жолдама.

7. Процедураның негізгі бөлігі:

Науқасты дайындау:

1) пациентке алдағы рәсім туралы хабарлау;

2) пациентке жағынды алу алдында 2-3 сағат бойы зәр шығармау ұсынылады;

3) рәсімнің мақсаты мен барысын түсіндіру;

4) рәсім гинекологиялық креслода, арқада жатып жүргізіледі. Науқас үшін бір реттік жөргекті төсеу керек;

5) науқасқа ыңғайлы жағдай беру;

6) несеп-жыныс жолдары бөлінетін талдау жолдамасының бланкісін толтыру.

Зерттеуге материал алу:

1) қолды гигиеналық өңдеуді жүргізу , стерильді қолғап кию;

2) сыртқы жыныс мүшелерін 0,9% натрий хлоридінің ерітіндісіне малынған мақта шарымен өңдеу;

3) несеп шығару каналының сыртқы саңылауын ашып, сол қолдың І және ІІ саусақтарымен кіші жыныс еріндерін тарқату;