Ветеринариялық- санитариялық сараптау

ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТІРЛІГІ

С.СЕЙФУЛЛИН АТЫНДАҒЫ ҚАЗАҚАГРОТЕХНИКАЛЫҚ УНИВЕРСИТЕТІ

5В120100–«Ветеринарлық медицина» мамандығы бойынша 4 курс студенттерінің клиникалық тәжірибеден өту БАҒДАРЛАМАСЫ

Факультет: Ветеринарлық медицина

Ветеринарлық санитария кафедрасы

Пән; Ветеринариялық санитариялық сараптау

Өту орны: ЖШС «Алем» СО «Астана ауыл шаруашылығы өнімдері зертханасы»

Оқу-клиникалық машықтану жетекшісі: Инирбаев А.К

Орындаған: 18-03 топ студенті Оралханова Лаура

Нұр-Сұлтан 2022 жыл

 Ветеринариялық- санитариялық сараптау – тамақ өнімдерін және ветеринариялық санитариялық бағалаудың қағидаттары мен әдістерін,олардың қасиеттерін, өңдеу,сақтау, сұрыптау және тасымалдау тәсілдерін зерттейді.

Біз 11.05.2022 күні ЖШС «Алем» СО « Астана ауылшаруашылығы өнімдері зертханасынан оқу машықтану тәжірибесінен өттік.  Біз ет және ет өнімдерін, сүт және сүт өнімдерін, балық, көкөніс пен жемістерді ветеринариялық-санитарлық бақылау бойынша практикалық және теориялық дағдыларды алдық. Алғашында біз қауіпсіздік ережелерімен, ветеринариялық санитариялық лабораторияның жұмысымен таныстық. № 1,4 ветеринариялық санитариялық анықтамаларды көрдік. Оның ішінде мекеменің немесе шаруа қожалығының атауы, мекен-жайы және салмағы,қандай көлікпен әкелгендігі, дезинфекциялағаны туралы жазылады.

 Етті сапасына тексергенде сезімдік зерттеу, органолептикалық зерттеу,бактериоскопиялау, қышқылдық ортасын анықтау, пероксидазаны анықтау реакциялары қолданылады. Етті ең басында әкелгенде лимфа түйіндеріне мән беріп қарадық( ісінбеген, қанталанбаған болуы керек), бауыздық орны тегіс емес кедір-бұдыр болуы тиіс. Құжаттарға мән беріп қарауымыз керек. Тексерген кезде еттің беткі жағдайына, оның түсіне назар аудардық. Пальпация арқылы жабысқақтығын, еттің беткей және терең қабатындағы ылғалдылықты анықтаймыз. Сонымен қатар еттегі қан қалдығына, ластануына, зеңденуіне назар аударамыз. Балауса етте кебу қабығының түсі әлсіз қызғылт түстес, ал мұздатылған ұшада қызыл түсті болады. Балаусалығы күмәнді ет ылғалды, әлсіз жабысқақ қарайған болады. Бұлшық ет тілігіне сүзгіш қағазды жапсырғанда сүзгіш қағазда таңба қалады, ал түсі күңгірт түсті болады. Еттің сапасын тексергенде бірнеше реакциялар өткіземіз: қышқылдық ортаны анықтау/ сау мал етінің рН 5,7-6,2/ , пероксидазаны анықтау реакциясы, формолды реакциялары қолданылады.

Пероксидазаны анықтау реакциясына келетін болсақ: Сау малдың етінде пероксидазаның белсенділігі жоғары болады, ал ауру малдың етінде оның қабілеті едәуір төмендеп кетеді. Реакцияның мәні: пероксидазаның әсерінен сутегінің асқын тотығы ыдырап, оттегі пайда болады да, ол бензидинді тотықтырып оның түсін көкшіл-жасыл түстен қоңыр түске дейін өзгертеді. Пероксидазаны анықтау үшін пробиркаға 2 мл еттің сөлін 5 тамшы 0,2 проценттік сутегінің асқын тотығын құяды. Сау малдың етінің сөлінің түсі көкшіл-жасыл түске енеді де біртіндеп қоңыр түске айналып кетеді. Ауру,шаршап ,шалдығып немесе жанталасып өлген мал етінің сөлінің түсі өзгермейді,бірақ кейбір жағдайда көкшіл-жасыл түс көп кешігіп барып пайда болады да, тез қоңыр түске айналып кетеді. Етте пероксидаза ферменті болса, сутегінің асқын тотығын ыдыратып, түзілген қышқыл бензидинді тотықтырады. Реакция нәтижесінде пайда болған паранхинондимид, толық тотықпаған бензидинмен көкшіл-жасыл, кейіннен қоңыр түсті қоспа түзеді. Бұл реакция пероксидаза ферментінің белсенділігіне байланысты. Сау малдан алынған етте фермент аса белсенді, ауру немесе жанталаста бауыздалған етте ферменттің белсенділігі төмен. Пероксидаза ферментінің белсенділігі басқа ферменттер секілді ортаның рН- да байланысты, дегенмен толық сәйкестілік байқалмайды. Сығындының рН 6-дан төмен болған жағдайда көбіне бензидин реакциясы оң, рН 6,1-6,2 күмәнді, рН 6,2-ден жоғары болған жағдайда теріс нәтиже көрсетеді.