Өлім, өлім белгілері, өлгеннен кейінгі өзгерістер

Өлім, өлім белгілері, өлгеннен кейінгі өзгерістер. Өлім биологиялық ұғым ретінде. Өлім себептері. Өлім түрлері. Өлім белгілері

Сұрақтарға конспект түрінде жауап беру, Сайтқа (дереккөзге) сілтемелері бар макро - және микрофотографиямен бірге жіберу.

Жоспар,өлім, өлім белгілері, табиғи өлім, зорлық-зомбылықтан болған  өлім, аурудан өлім ,клиникалық өлім, биологиялық өлім. Танатогенез, өлім кейінгі өзгерістер

1. Бұл өлім деген не? Өлім биологиялық ұғым ретінде ағзаның тіршілік әрекетін қайтымсыз тоқтатуының көрінісі болып табылады. Қайтыс болғаннан кейін адам өлі денеге айналады, мәйіт (cadaver).

2. Өлімге әкелетін себептерге байланысты табиғи (физиологиялық), зорлық-зомбылық және аурулардан өлім болып  бөлінеді. Табиғи өлім қарт жастағы адамдар мен ұзақ өмір сүрушілер ағзасының табиғи (физиологиялық) тозуы (физиологиялық өлім) нәтижесінде туындайды.

3.Зорлық-зомбылықтан  өлім, кісі өлтіру(қасақана немесе қасақана емес), өзін-өзі өлтіру, түрлі жарақаттан (мысалы, көше, өндірістік немесе тұрмыстық жарақат), жазатайым оқиғалар (мысалы, көлік апаты) сияқты әрекеттер нәтижесінде байқалады. Зорлық-зомбылықтан  өлімді, әлеуметтік-құқықтық санат болғандықтан, сот медицинасы мен әділет органдары зерттейді.

4.Аурудан қайтыс болу патологиялық (ауыр) процестерден туындаған ағзадағы өзгерістермен өмірдің үйлеспеуі нәтижесінде пайда болады. Әдетте аурудан қайтыс болу баяу басталады және өмірлік функциялардың біртіндеп қызметінің тоқтауынан  жүреді. Бірақ кейде өлім кенеттен, толық дені саулар арасындада болады - кенеттен немесе тез көрінетін  өлім түрінде.

5.Клиникалық өлім тыныс алудың және қан айналымының тоқтауымен сипатталады, бірақ ағзаның тіршілік әрекетінің бірнеше минут ішінде (ми қабығында өту  уақыты) бұл өзгерістері қайтымды. Клиникалық өлім негізінде қан айналымының тоқтатылуына және оның орталық реттелуінің болмауына байланысты өзіндік гипоксикалық жағдай (ең алдымен ОЖЖ) жатыр.

6.Биологиялық өлім ағзаның тіршілік әрекетінің қайтымсыз өзгеруі, аутолитикалық процестердің басталуы. Алайда, биологиялық өлім туындаған кезде жасушалар мен тіндердің өлуі бір мезгілде болмайды. Бірінші ОЖЖ өледі; 5-6 минуттан кейін тыныс алу мен қан айналымы тоқтағаннан кейін бас және жұлын миының паренхиматоздық жасушаларының ультрақұрылымдық элементтері бұзылады. Басқа ағзалар мен тіндерде (тері, бүйрек, жүрек, өкпе және т. б.) бұл процесс бірнеше сағатқа және тіпті тәулікке созылады, көптеген ағзалар мен тіндердің жалпы құрылымы, қайтыс болғаннан кейін жарық микроскопымен  көргенде  ұзақ уақыт сақталатындығы, тек электронды-микроскоп зерттеулерінде жасушалардың ультрақұрылымдық  деструкциясы  байқалады.

7.Биологиялық өлім белгілері жүрек қызметінің болмауы ( ірі артериялардағы пульс жоқ; жүрек тондары естілмейді, жүректің биоэлектрлік белсенділігі жоқ); жүрек қызметінің 25 минуттан артық уақыт болмауы (қоршаған ортаның әдеттегі температурасы кезінде); өз бетінше тыныс алудың болмауы; қарашықтардың барынша кеңеюі және олардың жарыққа реакциясының болмауы; мөлдір қабықта  рефлекстің болмауы; дененің қатып қалған бөліктерінде өлгеннен кейінгі гипостаздың болуы.

8.Танатогенез (thanatogenesis; грек. thanatos өлім + genesis пайда болуы, шығу тегі) - өлу процесінде клиникалық, биохимиялық және морфологиялық өзгерістердің динамикасы.Әлеуметтік-орта және генетикалық факторлардың танатогенезге әсерін қадағалау үшін оларды 4 жағдайда қарастырамыз, өрескел генетикалық ақаулар кезіндегі танатогенезді; сыртқы ортаның төтенше факторларының әсері кезіндегі танатогенезді; жасырын генетикалық ақаулар мен шартты патогенді орта әсерлері кезіндегі танатогенезді; "қалыпты" генетикалық белгілері мен кәдімгі орта әсерлері кезіндегі танатогенезді деп  қараған жөн.