С.Торайғыровтың «Қамар сұлу» романындағы отбасылық тәрбие мәселесін қазіргі кездегі отбасындағы тәрбиемен салыстыра отырып талдаңыз

С.Торайғыровтың «Қамар сұлу» романындағы отбасылық тәрбие мәселесін қазіргі кездегі отбасындағы тәрбиемен салыстыра отырып талдаңыз.

Абайдан кейінгі қазақтың жазба әдебиетінде әр жанрда еңбек етіп, ерекше көзге түскен көрнекті ақындарының бірі Сұлтанмахмұт Торайғыров. Қазақ қоғамының басты мәселесі әйел теңсіздігін оқиға желісіне арқау етіп, сол арқылы  өз заманының ауыр шындығын әлеуметтік түрде талдап, сарапқа салатын  шығармаларының бірі әрі бірегейі – «Қамар сұлу» романы. Сұлтанмахмұт Торайғыровтың «Қамар сұлу» романындағы отбасылық тәрбие мәселесі мен қазіргі отбасындағы тәрбиенің айырмашылықтары мен ұқсастықтары қандай?

«қамар сұлу» романындағы басты қозғалатын тақырып – әйел теңсіздігі. Бұл идеялогия ұлттық санада тек қоғамдық емес, отбасылық тұрғыда да жиі ұшырасатын. Яғни, сол заманда қыз баланың құқығы әлдеқайда төмен болып, оның ой-пікірі, қалауы мен талаптары, мүлдем ескерілмеді десек те болады. Қазақтың кейбір принциптері, атап айтсақ, «ел не дейді?», «ұят болады», «тең-теңімен» деген ұстанымдар ұстанған сол кезеңнің әрбір жанұясы қыздың тағдырымен ойнап, өз өмірін өзі сүруіне мұрша бермеген еді. «қамар сұлу» романындағы Қамар мен Ахмет бір-біріне ғашық болса да, қыздың туыстарының наразылығымен екеуі екі жаққа айырылып, оның  жорға Нұрымға зорлықпен ұзатылған сәті бұған айырықша дәлел бола алады. Дегенмен де, бүгінгі қазағымыздың салт-санасында мұндай жағдайлар өте сирек кездеседі. Әрбір қыздың қазірде қоғамда ер адаммен тең дәрежеде құқығы бар. Отбасылық  жағынан да қарап салыстырсақ, дәл қазіргі таңда қыз бала, қандай адамға болсын, тұрмысқа шығам десе де сол замандағыдай қатал қарап, жазаламайды, керісінше, келісімдерін беріп, демеу беруге тырысады.