‘Оқуға құштар ұрпақ’ тәжірибе алмасу

‘Оқуға құштар ұрпақ’ тәжірибе алмасу

Мақсаты: Оқушыларға кітаптың қаншалықты құнды, бағалы дүние екенін түсіндіру. Тек қана өз елінің ғана емес сонымен қатар ағылшын елдерінің  дәстүрлерімен ақын жазушыларын тану. Ағылшын тілдеріне қызығушылықтарын кеңейтіп, сөздік қорын нығайту.

Мұғалім: Кітап оқу баланың ой - өрісін кеңейтеді, ойлауға үйретеді, сөйлеу қабілетін, есте сақтауын, қиялын дамытады, танымдық және дамытушылық қызметін анықтайды. Баланы жас кезінен кітапты құрметтеуге және оны күтіп ұстауға баулыған жөн. Өзімнің оқып  жүрген ағылшын жазушысы Джоан Роулингтың “ Гарри Поттер” романымен бөліскім келеді.

 Гарри Поттер− Ұлыбританиялық жазушы Роулинг жазған 7 томдық қиял-ғажайып шығармалар жинағының басты кейіпкері. Кітапта Хогуартс сиқыр мектебінің оқушысы Гарри Поттер мен оның достары Роналд Уизли мен Хәрмиона Грейнджердің бастан кешкен оқиғалары туралы баяндалады. Оқиға желісі Хәрри Поттер мен Волдеморт арасындағы текетіресіне негізделген. Лорд Волдеморттың көздегені − мәңгілік өмір сүру, сиқырлы әлемді қол астына алу, сиқыршы емес адамдарды  жою және қарсы шыққандармен қарсыласу

Джоан Роулинг1997 жылдың 26 маусымы жарық көрген алғашқы "Гарри Поттер мен пәлсапа тас" романынан бастап, кітаптар жинағы әлемге кеңінен танылып, сыншылардың оң пікірін алып, үлкен коммерциялық табысқа ие болды. 2018 жылдың ақпан айындағы мәліметтерге сәйкес кітаптардың 500 миллионға жуық көшірмесі сатылып, кітаптар қатары әдеби бестселлерлер тізіміне енген. Роман әлемнің 80 тіліне аударылған; қазақ тіліне алғашқы кітабы аударылып, жарияланды, қалған кітаптары аударылып жатыр[1]. Жазылған кітаптардың соңғы төртеуі әлемдегі ең тез сатылған кітап атағымен жаңа рекорд орнатқан.