Бесік жырларының тәрбиелік мәні

Ақмола облысы

Көкшетау қаласы

№18 орта мектебі

Агаева Зарина

7- сынып

Бесік жырларының тәрбиелік мәні

Секциясы: этномәдениеттану

                                              Жетекшісі:   Сағындықова Зауреш Жамбылқызы

                                  қазақ тілі мен әдебиеті пәні мұғалімі

Көкшетау, 2012 ж.

Мазмұны:

Абстракт                                                                                             3

I Кіріспе                                                                                             4

II Негізгі бөлім                                                                                 5-11

2.1. Бесік жырларындағы ұлттық көрініс                                        11-12

2.2. Бесік жырларының өзге жанрлардан айырмашылығы                          12-13

2.3. Қазақ және орыс халықтырының бесік жырларындағы

       көркемдік тәсілдер                                                                 13-17

Қорытынды                                                                                      18

Қолданылған әдебиеттер тізімі                                                                 19      

Абстракт

          Зерттеудің мақсаты: Бесік жырын айтудағы  ана әлдиінің әуезділігі, дүниетанымдық ерекшелігі, ұрпақ тәрбиесіндегі маңыздылығын анықтау, өзге ұлттың бесік жырымен салыстыру арқылы ұлттық құндылығын  дәріптеу.

         Зерттеу жүмысының міндеттері: Зерттеу жұмысы алдына төмендегідей міндеттер қойылды:

1. Қазақ және орыс  бесік жырларының  жасалу жолдарына қарай жүйелеп, мазмұн межесі бойынша анықтап, көркемдік  ерекшеліктеріне  талдау;

2. Бесік жырының ана мен бала арасындағы коммуникативтік негіздерін ғылыми тұрғыда ашып көрсету;

         3.Бесік жырларында ұлттық көріністің айшықталуы.

         Гипотезасы: Егер де бала бесікте жатып ананын әр кеш сайын әлди үнін, арман- тілегін естіп, құлағы қанықса, бүгінгі таңда өрескел қыз, көргенсіз бала болмар еді. Отбасы тірегі, болашақ ана осы жыр арқылы жақсы әдетке, адамгершілік пен имандылыққа, мейірімділікке тәрбиелеп, дүниетанымын қалыптастыруға, келешекте атаның үмітін ақтайтын бала болатынына ықпал еткен. «Тәрбие тал бесіктен басталады» демекші, балаға жасынан жақсы қасиеттерді бойына сіңірсе , ер жеткенде саналы болуға тырысар еді.

       Зерттеу жұмысының әдіс-тәсілдері: салыстыру, бақылау, сұрыптау, топтастыру, сұхбат, талдау.

       Зерттеу жұмысының ғылыми жаңалығы: Бесік жырларының мән-маңызы, олардың қолданыстағы өзіндік ерекшеліктері сараланады және  алғаш зерттеу нысаны болып отырған Қазақстан территориясында тұрып жатқан қазақ, орыс халықтарының бесік жырларының мазмұндық, мағыналық,танымдық ерекшеліктері салыстырмалы тұрғыда талданады.

         Жұмыстың нәтижесі:  Бесік жырын естіп өскен бала- әрқашан үлкенге құрмет, кішіге ізет көрсететін, кішіпейіл, қандай да бір қиындыққа тап бола қалған жағдайда шыдамдылық танытып, ашуға бой алдырмай, сабыр сақтауға тырысады.