Ағылшын алфавиті және үш әріптен тұратын жабық буынды сөздерді оқып үйрену

       Ағылшын алфавиті және үш әріптен тұратын жабық буынды сөздерді оқып үйрену.

Ағылшын тілі алфавиті 26 әріптен тұрады. 21 дауыссыз (қоңыр түспен жазылған), 5 дауысты (қызыл түспен жазылған) дыбыс бар. Көкпен жазылған W (дабл ю) және Y (уай) дыбыстары кейде дауыссыз, кейде дауысты бола алады.  Бұл әріптерді міндетті түрде жазылуымен/айтылуымен жаттап алуларыңыз керек!

Жабық буын дегеніміз дауыссыз дыбысқа аяқталатын буындар.

• "A" әрпі жабық буында [ә] болып оқылады.
• "Е" әрпі жабық буында [э] болып оқылады.
• "I" әрпі жабық буында [и] болып оқылады.
• "О" әрпі жабық буында [о] болып оқылады. Қазақша о емес, о мен ұ әрпінің қосылған түрі сияқты.
• "U" әрпі жабық буында [а] болып оқылады.

        Төрт әріптен тұратын ашық буынды сөздерді оқып үйрену.  Ашық буын дегеніміз - дауысты дыбысқа аяқталатын буындар.

• Ашық буында "A" әрпі алфавиттегідей [эй] болып оқылады, сөз соңындағы "e" әрпі оқылмайды.  Мысалы: Tape [тэйп], Wave [уэйв]
• "S" әрпінен кейін e, y, i әріптері келетін болса [з] деп оқылады. Басқа уақытта [с] деп оқылады.  Мысалы: Case [кэйз], Base [бэйз]
• "G" әрпінен кейін e, y, i әріптері келетін болса [дж] деп оқылады, басқа уақытта [г] деп оқылады.  Мысалы: Cage [кэйдж]
• "C" әрпінен кейін e, y, i әріптері келетін болса [с] деп оқылады, басқа уақытта [к] деп оқылады.  Мысалы: Face [фэйс]
• "E" әрпі ашық буында алфавиттегідей [и] болып оқылады, соңғы "e" әрпі оқылмайды.
• "О" әрпі ашық буында алфавиттегідей [оу] деп оқылады, соңғы "e" әрпі оқылмайды.
• "U" әрпі ашық буында алфавиттегідей [ю] деп оқылады, соңғы "e" әрпі оқылмайды.

Екі әріп - бір дыбыс, бір әріп - екі дыбыс.  Ол қандай әріптер екенін сабақ барысында түсінесіздер.

• Бір әріп екі дыбысты құрайды: "X" әрпі [кс] дыбысын береді.
• Екі әріп бір дыбысты білдіреді.
• "ck" әріптері бірге тұрса [к] дыбысын береді.
• "ch" әріптері қатар тұрса [ч] дыбысын береді.
• "Sh" әріптері қатар тұрса [ш] дыбысын береді.
• "ng", "nk", "th", "y" əріптерінің оқылуын үйрену.
• "ng" əріптері қатар тұрса [ң] дыбысын береді.
• "nk" əріптері қатар тұрса [ңк] дыбысын береді.
• "th" əріптері қатар тұрса екі түрлі дыбыс беруі мүмкін.
  1) Сақау [з]
  2) Сақау [с]
  Қай кезде қай дыбысты беретініне нақты ережесі жоқ, сол себептен сөздерді оқылуымен қосып жаттап алу керек.

1) Сақау [з] дыбысын беретін сөздер. Бұл дыбысты дұрыс айту үшін тілді астыңғы жəне үстіңгі тістердің арасына қойып [з] деп айтамыз.

2) сақау [с] дыбысын беретін сөздер.

• "y" əрпі ашық буында немесе бір буынды сөздерде сөз соңында тұратын болса [ай] дыбысын береді.
• "y" əрпі жабық буында [и] деп оқылады, орысша [ы] дыбысына ұқсас жуандау болып айтылады.
• "y" əрпі сөздің басында немесе дауыссыз дыбыс қызметін атқарса [йы], [йі] дыбыстарын береді.

Сөз соңындағы -s жалғауының əр түрлі оқылуын үйренеміз.

1) Көпше түрді білдіретін -s жалғауы қатаң дауыссыз дыбыстан кейін келсе [с] болып оқылады.

Қатаң дауыссыз - глухие согласные

2) Көпше түрді білдіретін -s жалғауы ұяң дауыссыз дыбыстан кейін келсе [з] болып оқылады.
Ұяң дауыссыз - звонкие согласные