Менің мамандығыма саясаттану пәні не үшін керек?

Менің мамандығыма саясаттану пәні не үшін керек?

      Жалпы мемлекеттiк маңызға ие болатын саяси, әлеуметтiк мәселелер зерттеу объектiсi болып табылатын саясаттану ғылымының елiмiздiң болашақ дамуы үшiн маңыздылығы зор. 

      Саясат – қоғам, мемлекет жəне əрбір азаматтың тіршілігінің негізі. Əсіресе саясаттың рөлі мен маңызы, қоғамның негізгі құндылықтары мен идеалдарының өзгеріске ұшыраған, өтпелі тарихи кезеңдерінде ерекше мəнге ие болады. Мұндай түбегейлі өзгерістерді жас егемен Қазақстан Республикасы да басынан кешіруде. Қоғамның рухани жəне интеллектуалдық жағынан жаңарып, əлеуметтік жəне гуманитарлық құндылықтарын қайта қарап қалыптастыруда, саясаттану ғылымның өзектілігі даусыз. Қазіргі қоғамның саяси шындығын шынайы түрде ашу саясаттанудың басты мақсаты болып табылады.

       Адам өз өмірінде ең бастысы мамандық таңдаудан жаңылмауы қажет.  Әркімнің өзіне етене жақын, жанына жағымды мамандық таңдау сәті-асқақтаған арманының ең бірінші баспалдағы. Мамандығыңды таңдаған сәтте сол кәсіптің білгірі болуы шарт.  Менің болашақ мамандығым – метеоролог немесе басқаша айтқанда синоптик деуге болады. Көбісі сұрағанда бұл қандай мамандық деп сұрайды.  Бұл мамандық көбіне қоршаған ортада боп жатқан физикалық құбылыстармен байланысты. Яғни, ауа райын зерттеу, бағалауды оқып-үйрену. Бітіргеннен кейін метеостанцияларда жұмыс істеуге болады . Бір айтарым, бұл мамандық – жауапкершілігі мол және болашағы зор мамандық. Менің мамандығым саясатпен тығыз байланысты деуге де болады. Себебі , біз дүние жүзінің түкпір-түкпірінен бір уақытта ауа райына болжау жасаймыз. Яғни, басқа мемлекеттермен байланыста жүреміз. Осының бәріне саясаткерлердің көмегі керек. Саясат қазіргі кезде адамзат өркениетінің бөлінбес бөлігіне айналған. Қазіргі кезде саясаттануға , саяси институттарға қызығушылық арта түсуде , яғни бұл дегеніміз экономикаға да , мәдениетке де , біз секілді ғылыми мамандықтарға да ықпалы артуда.