Оқушылардың бос уақытын ұйымдастыру

Сарқан гуманитарлық колледжі

КУРСТЫҚ ЖҰМЫС

ОҚУШЫНЫҢ БОС УАҚЫТЫН ҰЙЫМДАСТЫРУ МӘСЕЛЕЛЕРІ

Мамандық: 0105000«Бастауыш білім беру»

Пәні: Педагогика

Орындаған: Ильясова. А

Ғылыми жетекші: Кылышбаева.А.К

Курстық жұмысты қорғаған бағасы: __________

МАЗМҰНЫ

I.  Кіріспе бөлім................................................................................................3

II. Негізгі бөлім

2.1  Оқушылардың  бос  уақытын ұйымдастыру..............................................5

2.2  Сыныптан  тыс  тәрбие  жұмыстары............................................................7

2.3 Тәрбие жұмысын ұйымдастыру формалары мен тәсілдері, олардың мазмұны…………………………………………………………….…..……....13

1.   Бос уақытты ұйымдастыру-шығармашылық қабілетті арттыру жолы...........................................................................................................21

III. Қорытынды…………………..………………....……………….….............22

Пайдаланылған әдебиеттер……....…………………………………...………...23

I.Кіріспе бөлім

Курстық жұмыстың өзектілігі: Баланы тәрбиелеу үздіксіз процесс, сонымен қатар оның бос уақытында да жүзеге асырылуы тиіс, адам өмірінде бос уақыттың рөлі өте ерекше. Ол демалу, тынығу үшін ғана емес, рухани қажетін өтеуге, ойлау қабілетінің жетілуіне, жалпы жан - жақты болуына арналады. Әр бала, адам бос уақытын өзінше бір нәрсеге арнайды. Бірақ, бос уақытты ұтымды етіп өткізуде   тиімді болып келеді. Бос уақытты пайдаланып, қоғам  мен  ұжым, отбасының , оқушылардың демалысын тиімді етіп ұйымдастырылуына күш жұмсауы қажет. Ол үшін  оқушы демалысын, яғни бос уақытын тиімді өткізуі сынып жетекшісінің және пән мұғалімінің құзыреттілігіне толықтай жүктелген. Себебі оқушының бос уақыты  дұрыс әрі тиімді ұйымдастырылса,  олардың рухани өмірі және көзқарасы толықтырылуы қамтамасыз етіледі. Баланың бос уақытын оның өз қалауымен өткізуге атсалысу, оған аса мән беру - қазіргі заманның басты мақсаты болуы тиіс. Сонымен  бірге, қазіргі кезеңде бос уақытты әлеуметтік құбылыс ретінде қарастыру мәселесі әлемдегі барлық ғылымдардың назарын аударуда.  Себебі қоғамдағы әлеуметтік - экономикалық, саяси және мәдени өзгерістер тұлға санасына да жаңаша көзқарас қалыптасуын қамтамасыз етілуде.

Оқушының бос уақытын тиімді ұйымдастыру, оған дұрыс бағыт беріп отыру барлық адамға ортақ ісі. Оқушылардың жан - жақты болып өсуі тек қана оның мектепте өткізген уақытымен шектелмей, бұған оқушының отбасы арасында және қоғамда да бос уақыты тиімді ұйымдастырылуы қажет. Бүгінгі таңда жаңа білімді және тәрбиелі адамды қалыптастыру барысында мектептің қызметі  ұлғая түсуде. Сондай қызметтерінің бірі – сабақтар мен сыныптан тыс жұмыстар, тәрбие сағаттар. Оқушылармен сабақтан тыс жүргізілетін тәрбие жұмыстары сыныптан тыс жұмыс деп аталады. Бұл мұғалім сабақ үстінде жүзеге асыратын тәрбие жұмысын толықтыра және тереңдете отырып, ең алдымен балалардың таланттары мен қабілеттерін неғұрлым толық ашудың  құралы ретінде қызмет атқарады, ол оқушылардың бос уақытын ұйымдастырудың формасы болып табылады.

Балалар ұйымы, ата-аналар, бүкіл жұртшылық балалардың бос уақытын өміріне пайдалы  болатындай етіп өткізулеріне көмектесулері керек.

Курстық жұмыстың мақсаты: Тәрбие үрдісін жетілдірудің және мектептен тыс тәрбие жұмыстарын жетілдірудің негізгі шарты - оқушыларға даралап ықпал ету тәсілі болып саналады. Оқудан бос уақытында жасөспірім ортақ істің ұйымдастырушысы, белсенді қатысушысы болуға үлкен мүмкіндік алады. Іске қатысушы ретінде ол алдына міндеттер қояды, оларды шешу жолдары мен құралдарын таңдайды ақпарат алады, яғни жеке тұлғаның дамуы, ержетуі және әлеуметтік бағытталуы іске асады демекпіз.