Туған жер естеліктері

Елеманова Аружан

Марат Оспанов атындағы БҚММУ

Жалпы медицина, 109 “Б” тобы                        

                                Эссе  “ Туған жер естеліктері”

                                                                                 Туған жердей жер болмас,

                                                                                 Туған елдей ел болмас.

       Әркімнің қайда барса да бүйрегі өз жеріне тартып тұратын, жүрегі туған жердің тынысымен дем алатын ыстық әрі киелі орны бар. Туған жер бәрімізді өткен тариxпен , келер болашақпен байланыстыратын жіпке тізілген моншақ секілді. Осы жерде біз үшін ерекше орын алған ең қызықты балалық шақты, естен кетпес мектеп күндерін өткіздік. Мектептен келіп көшеміздің балалары болып ойын ойнап, қыздармен бірге сабақ окып, бірге сабаққа барып,  бірге көптеген қызықтарды өткізетін едік. Ал қазір заман талабы болар, технологияның заманы болғандықтан ешқандай доп теуіп жүрген баланы көрмейсін. Әрине, дегенмен  кандай оқиға болмасын өз өлкенде өткерген уақыт, әр адам үшін орны қаларлықтай естеліктер болып қалады. Сол естеліктер ретінде өз туған жерімнің, өткен тарихи естеліктеріммен ой бөліспекпін.

      Ақтөбе облысының киелі Қобда өңіріненмін. Ауылым тарихи оқиғалар мен маңызы зор естелікке толы. Қобда ауданы - атақты Исатай, Махамбет бастаған әйгілі күрестің соңғы шайқасы өткен өңір, жаугершілік заманда туған қарақыпшақ Қобыланды елін, жерін жортуылшы қалмақтардан жан аямай қорғап, атағы дүйім жұртқа жайылған жер. Ауданымыздың ішінен майданға сегіз Кеңес Одағының батырлары аттанды. Соның бірі - Шығыстың қос шынарының бірі-Әлия Молдагұлова. Батырларымыздың қай-қайсысы болмасын өз елі, туған жері үшін майданға аттанып, Кеңес Одағының батыры атағын иеленді. Сонымен қатар Қобда ауданының Талдысай ауылында сонау