Негізгі қорлар және оны пайдалану

МЕББМ “Батыс Қазақстан инженерлік-технологиялық колледжі”

«Тестілеуші» жұмысшы мамандығын алу пәні бойынша

ЕСЕП

Мамандық: 1304000 – «Есептеуіш техникасы және бағдарламалық қамтамасыздандыру»

      Орындаған: ПОВТ-21 топ оқушысы Аязбаева А.М

                          Практика жетекшісі: Баикубенова С.К

Орал 2017

Мазмұны

1. Негізгі қорлар және пайдалану............................................................................

1.1 Негізгі қорлардың құрамы және құрылымы.....................................................

2.Негізгі қорлардың деңгейі мен оны пайдалану тимділігі...................................

2.1 Негізгі қорларды қайта бағалау және түгендеу................................................

3 Негізгі қор кәсіпорынның негізгі капиталы.........................................................

3.1 Негізгі қорлардың ұдайы өндірісінің стратегиялары.......................................

4.

Қорытынды................................................................................................................
Қолданылған әдебиеттер тізімі................................................................................

Кәсіпорынның негізгі қорлары

Кіріспе

Мемлекетіміздің экономикалық саясатын іске асыруда кәсіпорындардың атқаратын ролі өте зор. Сондықтан бұл деңгейде қоғамға қажетті өнім өндіріліп, қызмет көрсетілуі тиіс.

 Нарықтық экономика жағдайында кәсіпорын өз бетінше не өндіретіндігін өзі шешеді және өз қарамағындағы ресурстарды тиімді пайдалану жолдарын
іздестіреді. Бүгінгі таңда, қоғамдық өндірістің даму бағыты- әлемдік нарықта инновацияға негізделген бәсекеге төтеп беретін өнім шығару. Негізгі өндіріс еліміздің ұлттық байлығының аса маңызды бөлігін құрайды. Ал оның негізін қалайтын кәсіпорынның өндірістік негізгі қорлары. Ал негізгі қорлардың кейбір түрлері еңбек тіршілігіне, өндірістің технологиялық бағытын дамытуына көмектеседі. Ал өндіріске тікелей қатысатын негізгі қорлар өнім өндіруде шешуші роль атқарады. Сондықтан, олардың кәсіпорында бухгалтерлік есебін дұрыс ұйымдастырудың мәселесі туындайды. Қазіргі уақытта елдің халықаралық бәсекеге қабілеттілігі елдің ұзақ мерзімді дамуындағы тұрақты экономикалық өсу қарқынымен анықталады. Елдің бұл экономикалық өсуіне макроэкономикалық жағдайдың тұрақтылығы, қызмет көрсету саласы мен өндіріс кұрылымының технологиялық деңгейі, мемлекеттік институттардың сапасы сияқты факторлар әсер етеді.
Ғылым мен технология да елдің экономикалық өсуіне әсер ететін маңызды факторларының бірі болып келеді. Оны колданыста жүрген ресурстарымыздың басым бағыттарының өзгеруінен, яғни шикізаттық бағытта ғана жүруден бас тартып, интеллектуалдықка немесе білімге қарай ауысқанымыздан көруге болады.

Қазақстан дамуының стратегиялық мақсаты - ғылым мен технологияны дамыту, яғни олардың нәтижелерін жаңа бағытта дамытуы мен коммерциялық пайда әкелуі арқылы және де экономикалық өсуді қолдайтын қолайлы инновациялық ортаны құру болып табылады.Ұлттық инновациялық жүйенің қалыптасуы және экономиканың барлық секторының ақпараттық-коммуникациялық технологияларының дамуы да осы аталған мақсатқа жетуге жағдай туғызады.

Өз алдында стратегия үзақ мерзімді мақсаттары мен міндеттеріне жету үшін басымды әрекеттің қабылданған бағыттары мен ресурстарын орналастыруды болжайды. Ұзақ мерзімді мақсатты анықтау - ол стратегиялық мақсаттың логикалық тұрғыда қол жетерліктей бір жүйеге келуін білдіреді.

1. Негізгі қорлар және пайдалану

1. Негізгі қорлардың құрамы және құрылымы

Кәсіпорынның негізгі қорлары – бұл тозуына байланысты өзінің өз құнын дайын өнімге жартылай көшіретін еңбек  құралдарының құндылық көрінісі. Негізгі капиталдың қайта өндірілуінің заңы  -   өндіріске енгізілген негізгі капиталдың құны толықтай қайта өндіріліп, еңбек құралдарының техникалық жаңаруына мүмкіншілікті қамтамасыз етеді.Негізгі қорлар — материалдық өндіріс саласында да, бейөндірістік салада да заттай нысанда ұзақ уақыт бойына жұмыс істейтін және өзінің құнын тозуына қарай бөліктер бойынша жоғалтатын материалдық-заттай құндылықтардың жиынтығы.