Сұранысқа ие мамандықтар

Эссе

Сұранысқа ие мамандықтар

Әлемнің еңбек нарығы біз ойлағаннан да жылдам өзгеріп жатыр. Сондықтан да сұранысқа ие мамандықтар әрдайым өзгеруде. Осындай өзгерістер елдің жағдайын тек жақсартып, гүлденуіне әкеледі.

     Бірнеше жыл бұрын жасанды интеллект деген сөз адамдарды қорқытса, қазіргі таңда бұл өнертабыс біздің күнделікті әдетімізге айналды. Көбінесе адамдар бұл туралы күдіктенбейді немесе ойламайды. Мысалы, қарапайым кеңседегі хаттамаларды компьютерде толтырып, электронды поштамен ақпарат таратып отыратын мамандардың қызметін арнайы бейімделген бағдарламалар жасай алады. Яғни, автоматтандырылған кәсіптер уақыт өте келе жойылады, сондықтан адамды роботпен алмастыру мүмкін емес жұмыстар өзекті болады деп ойлаймын.

        Статистикаға сәйкес, “Data” сарапшы, жеке адамның PR маманы, компьютер мен математикаға қатысы бар мамандықтар, SMM мамандары, онлайн ұстаздар, сәулетшілер мен құрылыс инженерлері, денсаулық сақтау қызметкерлері сұранысқа ие. Толығырақ талдайтын болсақ, қаржы институттарынан бастап өндірістің кез келген саласында ақпаратты игеріп, оны талдап отыратын маман қызметіне сұраныс көп. Капиталистік қоғамда ақпаратты талдау маңызы орасан зор. Мысалы, қаржы институттары әртүрлі нарықтарда сауда жасау үшін оларға нарыққа шолу жасап, табыс алудың мүмкіндігін қарастыру керек. Онымен дата сарапшы айналысады. Ал жеке адамның PR маманы болса, соңғы жылдары адамдар өзін жарнамалауға көп көңіл бөле бастады. Бір өнімді сату үшін оны алдымен жарнамалау керек. Ал жарнаманы өтімді етіп жасау арқылы өнімді брендке айналдырамыз. Нақтырақ айтатын бослам, кәсіпкерлер өз өнімін ұсынудан бұрын, өз атын жарнамалап, сосын өнімді сатуға көшіп жүр. Сондықтан жеке адамның PR маманы болу қазіргі таңда трендте. Ал ғаламшардың демографиялық өсімі артқан сайын жаңа ғимараттар көтеру жалғасын таба бермек. Оған өндірістегі инновациялық өзгерістерді игеріп, үнемі дамуға тырысатын инженерлер керек. Сонымен қатар, инжиниринг биохимия, нанотехнология, роботтық техника және жасанды интеллект салаларында да сұраныс артады.