Атмосфералық ауаны бақылау

Атмосфералық ауаны бақылау

Атмосфералық ауаның мониторингі – атмосфералық ауаның жай-күйін бақылауға, атмосферада ластаушы заттардың болуын және шоғырлануын анықтауға, атмосфералық ауа сапасының өзгеруінің негізгі тенденцияларын бағалауға және болжауға арналған жүйе.

Ауа - адам өміріне өте қажет, қоршаған дүниенің ең маңызды құрамдас бөлігі. Табиғи процестердің нәтижесінде немесе адамның іс-әрекетінің нәтижесінде ауаға түсетін кез келген зиянды заттар, тіпті олар аз мөлшерде болса да, адам денсаулығына үлкен, тіпті көбінесе орны толмас зиян келтіруі мүмкін. Адам іс-әрекеті нәтижесінен пайда болатын мәселелердің бірі- қоқыстың жиналуы. Органикалық қалдықтар көп мөлшерде және дұрыс жиналмаса, денсаулыққа зиян келтіретін генераторлық газдар ыдырай бастайды. Олардың ішінде бізде парниктік газдар болып табылатын көмірқышқыл газы мен метан бар.Сонымен қатар, метан өте жанғыш болып табылады және пластикалық қалдықтарды жағатын өрт шығуы мүмкін. Бұл қалдықтар күйдірілген кезде, қатерлі ісіктің кейбір түрлеріне әр түрлі респираторлық аурулар тудыратын улы газдар түзеді. Атмосфералық ауаның ластануынан болатын өлім-жітімнің негізгілері — қатерлі ісік, туа біткен патология және адам ағзасының иммундық жүйесі жұмысының бұзылуы. Автомобиль көліктерінің түтінімен, сондай-ақ көмір жағатын кәсіпорындардың шығарындыларымен ауаға қан ұйығыштығының жоғарлауына және қанайналым жүйесінде тромбтардың пайда болуына әкеп соғатын ұсақ лас бөлшектер таралады. Ластанған ауа қан қысымының жоғарлауының себептерінің бірі.Осы жайттар атмосфералық ауаның ластану проблемасына назардың артқанын және атмосфералық ауаның мониторингін ұйымдастыру қажеттілігін түсіндіреді. Осы мақсатта өнеркәсіптік кәсіпорынның санитарлық - қорғау аймақтарының шекараларында ауа құрамын ластаушы 12 ингредиентті (азот диоксиді, күкірт диоксиді, күкіртті сутек, көміртек оксиді, меркаптан, күйе, шаң, бензол, фенол, формальдегид, озон, аммиак) анықтау бойынша ауа сынамаларын іріктеу және зерттеу  жұмыстарын жүргізіп, ауа ластануының деңгейін бақылауда ұстайды.  Шаң концентрациясын төмендету мақсатында тиісті шаралар жүргізіліп тұрады.