Әлеуметтік желінің адамзатқа берері не?

Әлеуметтік желінің адамзатқа берері не?

XXI ғасырда адамзат жаҺандану үдерісін бастан өткеруде. Біз өмір сүріп жатқан кезең жаңа өзгерістерге, ақпаратқа толы кезең. Менің ойымша осы уақытқа дейінгі адам баласының жеткен ең ірі жетістсіктерінің бірі бұл ғаламтордың пайда болуы. Бұл ашылу бүкіл әлемді адамның алақанындағыдай етіп берді. Ғаламтордың пайда болуы әлеуметтік желілердің құрылуына негіз болды.

Әлеуметтік желі – ақпарат алаңы. Ол адамдардың өзара байланысын қамтамасыз етеді. Қазіргі заман адамы үшін алыстан хат алмасу, хабар алысу бірнеше секундтардың ішінде жүзеге асырылады. Сонымен қатар әлеуметтік желінің көмегімен адамдар фотосуреттірімен, сүйікті музыка, фильмдерімен бөліседі. Факт тіліне сүйенсек желінің көмегімен әр 20 минут сайын бір миллионнан астам сілтеме таратылады екен және әр адам өз жеке аккаунтына күніне кемінде екі рет кіреді екен. Instagram және Tiktok қазір ең сұранысқа ие әлеуметтік желілер болып табылады. Басты ерекшеліктеріне келетін болсақ бұл платформалар ақпарат алаңы ғана емес көптеген адамдар үшін табыс көзі болып табылады. Жеке бизнеспен айналысатын адамдар өз тауарларын немесе қызметтерін жарнамалауы үшін өте қолайлы болып табылады.

Десе де таяқтың екі ұшы болады дегендей бұндай алып ақпарат алаңының да жоғары да келтірілген пайдалы жақтарынан бөлек теріс жақтары да бар екен. Нақтырақ тоқталатын болсам бұл әлеуметтік желінің адам санасына тәуелділік орнатуы. Қазіргі кезде адамдар стрессті күйде жүреді және әлеуметтік желідегі контентті көру адамға күнделікті өмірінде жеткіліксіз болып келетін дофамин гормонынының бөлінуіне себепші болады екен. Яғни адам шынайы өмірде сезіне алмаған комфортты әлеуметтік желіден табады деген сөз.