Bilimland платформасындағы сабақтарды талдау және бастауыш сыныптарда қазақ тілі пәні бойынша жазу дағдыларын қалыптастыру әдістемесі

Bilimland платформасындағы сабақтарды талдау және бастауыш сыныптарда қазақ тілі пәні бойынша жазу дағдыларын

қалыптастыру әдістемесі

ХХІ ғасыр жаппай цифрландыру процесі жүріп жатқан ақпараттық ғасыр екендігі белгілі. Сол себепті де қазіргі білім беру жүйесінде ақпараттық-коммуникациялық технологияларды (АКТ) пайдалануға көбірек көңіл бөлінеді. Сондай қашықтықтан оқытуды ұсынатын танымал цифрлық платформалардың бірі - Bilimland. Бұл платформа бастауыш сыныптарға арналған қазақ тіліндегі пәндерді қоса алғанда, оқу материалдарының кең спектрін ұсынады. Бұл мақалада біз Bilimland платформасындағы бастауыш сыныптарда қазақ тілі пәні бойынша жазу дағдыларын қалыптастыру ісі бойынша сабақтарды талдауды қарастырамыз.

Bilimland оқушыларға қазақ тілінде жазу дағдыларын дамытуға көмектесетін интерактивті сабақтарды ұсынады. Bilimland платформасында жазу дағдыларын қалыптастыру әдістемесі бірнеше негізгі аспектілерді қамтиды. Атап айтатын болсақ,

1. Контекстік оқыту. Bilimland платформасындағы сабақтар студенттерге тілді практикалық мақсатта қалай пайдалану керектігін жақсырақ түсінуге көмектесетін нақты өмірлік жағдайлар контекстінде берілген. Мысалы, оқушылар мәтін, хабарламалар жаза алады немесе күнделікті өміріне қатысты қысқа әңгімелер жазуға қалыптасады.

2. Қарапайымнан күрделіге қағидатының сақталуы. Bilimland платформасындағы сабақтар қарапайым тапсырмалардан басталып, біртіндеп күрделіге ауысады. Бұл оқушыларға қазақ тілінде жазудың түрлі аспектілерін біртіндеп және сенімді меңгеруге мүмкіндік береді. Мәселен, Bilimland платформасының https://imektep.kz/kz/kazak-tili парақшасында орналасқан қазақ тілі пәні бойынша берілген материалдардың мазмұны мен тапсырмалары осыған дәлел бола алады. Бұл парақша дыбыс және әріп, сөз, сөйлем, сөз таптары және мәтін деген тараулар мазмұнына қарай қарапайымнан күрделіге қағидаты бойынша ұсынылған. Бұл әрбір тараудың ішіндегі тақырыпшаларда дәл осы принцип бойынша берілген. Дыбыс және әріп тарауын таңдайтын болсақ, оның ішінде буын үндестігі, дыбыс үндестігі, жуан және жіңішке жұп дауыстылар, дауыссыз дыбыстар, У дыбысы, буын және тасымал тәрізді грамматикалық тақырыптар қамтылған. Бұлар да жеңіл тақырыптан бастап, әрі қарай күрделеніп отыр.

3. Интерактивті жаттығулар. Bilimland оқушыларға жазу дағдыларын үйренуге көмектесетін әртүрлі интерактивті жаттығуларды ұсынады. Бұл мәтіндегі бос орындарды толтыруға, сөйлемдер құрастыруға, емле мен тыныс белгілеріне арналған тапсырмалар болып келеді.

4. Кері байланыс және өзін-өзі бақылау. Bilimland платформасында жаттығу тапсырмаларын орындау кезінде оқушылар жауаптарының дұрыс немесе қате екендігі туралы жедел кері байланыс ала алады. Бұл олардың өздерінің қателіктерін біліп, олқылықтармен жұмыс жасауына, түзетулер енгізуге көмектеседі. Бұндай  жазу дағдыларын тиімді меңгеруге ықпал етеді.

5. Жеке көзқарас: Bilimland мұғалімдерге сабақтарды әр оқушының деңгейі мен қажеттіліктеріне бейімдеуге мүмкіндік береді. Бұл әр баланың қабілеттері мен қызығушылықтарын ескере отырып, жеке тапсырмалар мен материалдарды ұсынуға мүмкіндік береді.

Бастауыш сыныптарда қазақ тілінде жазу дағдыларын дамыту үшін Bilimland платформасын пайдаланудың бірқатар артықшылықтары бар. Ең алдымен, оқушылар кез келген өздеріне ыңғайлы уақытта қолдануға болатын оқу материалдарының кең базасына қол жеткізе алады. Бұл оқушылардың жазу дағдыларын өз бетінше дамытуына және үйренуге мүмкіндік береді. Сонымен қатар, жоғарыда айтқандай, Bilimland платформасындағы интерактивті тапсырмалар мен жедел кері байланысты пайдалану материалды тереңірек түсінуге және игеруге ықпал етеді.