Ерте жастағы балалардың дамуындағы ана фольклорының маңызы

                  А.Байтурсынұлы атындағы Қостанай өнірлік университеті

Өмірзақ Сұлтанғазин атындағы Педагогикалық институты

Мектепке дейінгі және бастауыш білім беру кафедрасы

КУРСТЫҚ ЖҰМЫС

Тақырыбы: «Ерте жастағы балалардың дамуындағы ана фольклорының маңызы»

6В01201  Мектепке дейінгі оқыту және тәрбиелеу

Орындаған:  Жаксимбекова Зарина Асхатовна                                        ,

                                                                1 курс студенті

                          Ғылыми жетекші:                                        Ж.К.Бисембаева            

                                                                                 аға оқытушы,

                                                                                  п.ғ.магистрі                                                                                  

                                                     Қостанай, 2025

Мазмұны

КІРІСПЕ        3

1. АНА ФОЛЬКЛОРЫ КӨМЕГІМЕН ЖАС БАЛАЛАРДЫҢ ДАМУЫНЫҢ ТЕОРИЯЛЫҚ АСПЕКТІЛЕРІ        4

1.1 Ерте жастағы балалардың психологиялық және әлеуметтік даму ерекшеліктері        4

1.2 Ана фольклоры ерте жас балаларды дамыту құралы ретінде        5

2. ЕРТЕ ЖАСТАҒЫ БАЛАЛАР ТӘРБИЕСІНДЕ АНА ФОЛЬКЛОРЫН ҚОЛДАНУДЫҢ МАҢЫЗЫН ТӘЖІРИБЕЛІК ЗЕРТТЕУ        9

2.1 Ерте жастағы балалардың дамуын анықтау әдістері        9

2.2  Ана фольклорын қолдану арқылы ерте жастағы балалардың сөздік қорын дамыту жұмысы        10

Қорытынды        13

Пайдаланылған әдебиеттер        15

КІРІСПЕ

Ерте жастағы балалардың дамуы – қоғамның болашағын қалыптастырудағы маңызды кезеңдердің бірі. Бұл жаста баланың психологиялық, әлеуметтік, танымдық және тілдік қабілеттері қарқынды дамиды. Осы тұрғыдан алғанда, ана фольклорының бала дамуына тигізетін әсерін зерттеу өзекті мәселе болып табылады. Қазақ халқының ауыз әдебиеті ғасырлар бойы ұрпақ тәрбиесінің негізі болып келді. Атап айтқанда, бесік жыры, жұмбақ, жаңылтпаш, тақпақтар мен ертегілер сәбидің тілдік қорын байытып, ойлау қабілетін жетілдіреді. Сондықтан ана фольклоры ерте жастағы балалардың дамуы үшін маңызды құрал ретінде қарастырылуы тиіс.

Зерттеудің өзектілігі. Қазіргі таңда баланың ерте жастағы дамуына бағытталған түрлі әдістер мен педагогикалық тәсілдер қарастырылуда. Дегенмен, қазақ халқының дәстүрлі тәрбие құралдарының бірі – ана фольклорының тәрбиелік және дамытушылық рөлі ғылыми тұрғыдан толық зерттелмеген. Бір жағынан, бұл мәселе әлеуметтік өзгерістермен байланысты болса, екінші жағынан, ана фольклорын жүйелі түрде қолдану мен зерттеу әдістемесінің жеткіліксіздігі байқалады. Осыған байланысты, аталған тақырып бойынша ғылыми зерттеу жүргізу қажеттілігі туындайды.

Зерттеу нысаны: Зерттеу нысаны ретінде ерте жастағы балалардың психологиялық, әлеуметтік және тілдік дамуы қарастырылады.

Зерттеу пәні: Зерттеу пәні – ана фольклорын қолдану арқылы ерте жастағы балалардың тілдік және когнитивтік қабілеттерін дамыту процесі.

Зерттеудің мақсаты: Ана фольклорының ерте жастағы балалар дамуына ықпалын зерттеу және оның тиімділігін ғылыми негіздеу.

Зерттеудің міндеттері:

• Ерте жастағы балалардың дамуының теориялық негіздерін анықтау;
• Ана фольклорының тәрбиелік және дамытушылық рөлін талдау;
• Ана фольклорының балалардың сөздік қорын кеңейтуге әсерін зерттеу;
• Ана фольклорын тәрбие және оқыту процесінде қолдану әдістерін ұсыну;
• Ана фольклорының тиімділігін анықтау мақсатында тәжірибелік зерттеу жүргізу.

Зерттеудің болжамы: Егер ерте жастағы балалардың тәрбиесінде ана фольклоры жүйелі түрде қолданылса, онда олардың тілдік қабілеттері, ойлау деңгейі және қарым-қатынас дағдылары айтарлықтай дамиды.