Қазақстан нарығында кейтеринг қызметтерінің даму перспективаларын анықтау

ҚАЗАҚСТАН РЕСПУБЛИКАСЫНДАҒЫ КЕЙТЕРИНГ ҚЫЗМЕТІ

Ш.А. Амангелдиева; Ф.А. Нурбаулина; Н.Т. Оңаева; А. Ғ. Укайшаева

“Алматы менеджмент университеті” Алматы, Казахстан

АННОТАЦИЯ

Бұл мақала еліміздегі мейрамхана бизнесінің жаңа дамушы саласы - кейтеринг қызметін зерттеуге арналған. Зерттеу барысында Алматы қаласындағы кейтеринг қызметін ұсынатын көшбасшы компанияларға  талдау жасалып, статистикалық зерттеу жұмыстары жүргізілді. Респонденттер арасында сауалнама өткізіліп, жүргізілген зерттеу жұмыстары бойынша SWOT-талдау жасалды. Нәтижесінде еліміздегі кейтеринг қызметінің даму перспективалары анықталды.

Кілт сөздер: кейтеринг, қызмет көрсету, қоғамдық тамақтандыру, перспектива, SWOT-талдау

CATERING SERVICE IN THE REPUBLIC OF KAZAKHSTAN

Sh. A. Amangeldieva; F. A. Nurbaulina; N. T. Onayeva; A. G. Ukaishaeva

"Almaty Management University" Almaty, Kazakhstan

ANNOTATION

This article is devoted to the study of a new emerging branch of the restaurant business in the country - catering. In the course of the study, the leading companies providing catering services in Almaty were analyzed, and a statistical study was conducted. A survey was conducted among respondents, and a SWOT-analysis was made based on the study. As a result, the prospects for the development of public catering services in the country were identified.

Keywords: catering, service, public catering, perspective, SWOT-analysis

Технологияларды жетілдіруге, бизнестің жаңа түрлерін дамытуға бағытталған адамның іс-әрекеті ешқашан бір орында тұрмай, үнемі жоғары сатыларға жетіп дамиды. Осыған байланысты қазіргі таңдағы мейрамхана бизнесі қарқынды даму үстінде және оның құрамындағы кейтеринг тамақтану саласында жаңа бағыт ретінде қарастырылады.

Кейтеринг – әлемдік тәжірибеде, соның ішінде қонақжайлылық индустриясында мейрамхана бизнесінің қарқынды дамып келе жатқан салаларының перспективалық бағыты. Ағылшын тілінен қоғамдық кейтеринг дегеніміз тапсырысты алып, белгіленген орын мен уақытта тұтынушыға оның қажеттіліктерін қанағаттандыру үшін келетін шығу мейрамханасы. Яғни, мейрамханадан тыс банкеттер, фуршеттер, жаңа жылдық іс-шаралар, үйлену тойлары және басқа да үлкен ойын-сауық іс-шаралары үшін келісілген жерде және уақытта тамақпен қамтамасыз ететін қызметкердің немесе кәсіпорынның функцияларын орындайтын мекемеден тыс мейрамхана деп түсіндіріледі [1]. Қоғамдық тамақтандыруды ұйымдастыру өте перспективалы бағыт болып саналады. Бүгінгі таңда көптеген компаниялар мен жеке тұлғалар дайын тағамдарды жеткізуге қызығушылық танытуда.

Зерттеу нысаны: Алматы қаласында кейтеринг қызметтерін ұсынатын компаниялар

Зерттеу пәні: Қазақстан нарығында кейтеринг қызметтерінің даму перспективаларын анықтау

Қоғамдық тамақтандыру кәсіпорындарында, атап айтқанда мейрамханаларда, кафелерде қызмет көрсетудің заманауи технологиялары дамудың бірнеше бағытына ие:

• Интернет желісіндегі сайттар арқылы тапсырыстарды қабылдайтын және клиенттерге жеткізуді жүзеге асыратын "виртуалды" мейрамханалар көбірек пайда болуда;
• тағамды келушілердің қатысуымен дайындау, әдетте тұтынушыларды тартуға және сату көлемін арттыруға ықпал етеді;
• мерчандайзинг (басқаша айтқанда, өнімдер мен қызметтерді сату) іске асырылуда, бұл бағыт түрін тұтынушылардың қалауын жасау әдістерінің бірі ретінде қарастыруға болады (тағамдар мен сусындардың дизайны және т. б.);
• мейрамхана бизнесіндегі қызмет көрсету технологиясы – кейтеринг жүйесі бойынша, көшпелі сервис түрі бойынша ұйымдастырылуда. [2]  

Кейтеринг – таңдалған ас мәзіріне сәйкес тағамдарды дайындау, мереке өтетін жерге ыдыстарды жеткізу, жылыту және қызмет көрсету, даяшылардың қызмет көрсетуі, дастархандарды безендіру, сонымен қатар іс-шаралар өткізілетін орындар деп түсіндіріледі [3]. Бұл қызмет түрі кез келген іс-шараларға арналған тамақтану қызметтерін ұсынады. Мысалы: