Ұйымдастырушылық бастаулар

Тәжірибелік сабақ №1 (1 сағат)

Тақырып: Ұйымдастырушылық бастаулар (1 нұсқа)

Жұмыстың мақсаты: фирманы құру үшін бастапқы құжаттармен практикалық тәжірибе жинау.

Тапсырма:

1. Компаниядағы ойын рөлдерін анықтау.

2. Компанияның атауын, өнім түрінің логотипін талқылау.

3. Компанияның ұйымдық құрылымын, басқару құрылымын, ақпараттық құрылымын құру.

 4. Жиналыста ұйымдастыру мәселелерін талқылау және хаттаманы ресімдеу.

5. Есеп пен презентацияны қорғау.

Тапсырмаларды орындау бойынша әдістемелік ұсынымдар

Ойын жетекшісі:

1) ойын рөлдерін алдын ала бөлу мақсатында ойынға қатысушылардың сауалнамалық деректерін талдайды;

2) ойын үшін қажетті құжаттардың үлгілерін дайындайды;

3) ойын шарттары мен сценарийін әзірлейді;

4) ойын регламентін (кестесін) айқындайды;

5) ойыншыларға нұсқаулықтар әзірлейді және ойынға қатысушыларға нұсқама өткізеді.

Ойынға қатысушылар:

1) осы тақырыпқа ұсынылған әдебиеттерді зерделейді;

2) тақырып бойынша ақпарат көздерін дербес анықтайды, оны таңдайды және талдайды;

3) кіші топтарда талқылау және түпкілікті бекіту үшін: фирманың атауы, фирмалық белгісі, өнімнің немесе қызметтің түрі, фирманың аумақтық орналасуы, материалдарды жеткізушілер және дайын өнімді тұтынушылар бойынша өз ұсыныстарын дайындайды;

4) кіші топта талқылау, оңтайлы нұсқаны әзірлеу және оны түпкілікті бекіту үшін болашақ фирманың ұйымдық құрылымының схемасын әзірлейді.

Ойынның мақсаты.

Компанияны құру және оның ұйымдастырушылық, басқарушылық және ақпараттық құрылымын дамыту үшін бастапқы құжаттармен және материалдармен практикалық тәжірибе жинау.

Ойын шарттары:

1. Студенттер санына байланысты топ әр топта 3-5 адамнан қатысушылардың мүдделерін ескере отырып, кіші топтарға бөлінеді.

2. Компания акционерлік қоғам ретінде құрылады.

3. Жарғылық капиталдың мөлшері қолданылып жүрген заңдармен белгіленеді.

4. Ойын жетекшісі жоғары деңгейдегі менеджер лауазымын атқарады және арбитражды (Арбитраж -Төрелік - мынадай ұғымдарды (әрдайым дәл емес, бірақ белгіленген) белгілеу үшін пайдаланылатын термин: дауларды реттеу нысаны ретінде төрелік іс жүргізу — тараптар үшін міндетті шешім шығара отырып, дауды мемлекеттік емес төрешілердің қарауы)) жүргізеді. Басқарманың жоғары және орта буындарының қалған барлық лауазымдары бос.

Арбитраж - кәсіпорындар, ұйымдар, мекемелер арасындағы мүліктік дауларды, сондай-ақ шарттардың орындалмауына байланысты талап-арыздарды шешу үшін құрылған мемлекеттік орган.

5. Ойынның әрбір қатысушысының 1 млн. теңге көлеміндегі ақшалай капиталы бар., коммерциялық банктердің біріне салынған.

Компанияны құру, кеңейту және дамыту өз қаражаты мен коммерциялық несие есебінен жүзеге асырылады.

Ойын сценарийі

1.Студенттерді кіші топтарға бөлгеннен кейін, ойын менеджері оларға мәселелік жағдай туғызады - сайлау арқылы болашақ компаниядағы ойын рөлдерін анықтау:

а) акционерлердің жалпы жиналысын дайындау және өткізу жөніндегі бастамашыл топтың - кіші топтан бір өкілден;

б) президентті (бас директорды), бас бухгалтерді, фирманың бас инженерін сайлау үшін кандидатураларды жалпы жиналыс сайлайды.