Инвестициялық климат: қалыптастыру шарттары, факторлары, көздері
Автор: resmi2018 • Май 17, 2018 • Курсовая работа • 15,729 Слов (63 Страниц) • 1,148 Просмотры
Қазақстандағы инвестициялық климат: қалыптастыру шарттары және реттеу әдістері
МАЗМҰНЫ
Кіріспе........................................................................................................................... | 6 |
1 Инвестициялық климат: қалыптастыру шарттары, факторлары, көздері......... | 9 |
1.1 Инвестиялардың жалпы ұғымы, түрлері, көздері және факторлары............... | 9 |
1.2 Инвестициялық ахуал және оған әсер етуші факторлар.................................... | 14 |
1.3 Инвестицияларды тарту үрдісін реттеу әдістері................................................. | 20 |
2 Қазақстан Республикасында инвестициялық климаттың ағымдық жағдайын талдау........................................................................................................................... | 25 |
2.1 Қазақстандағы инвестициялар тартылуының институционалдық қамтылуы | 25 |
2.2 Елдің инвестициялық климаты: ағымдық жағдайы, даму динамикасын талдау............................................................................................................................. | 33 |
3 Қазақстан Республикасындағы инвестициялық климатты жақсарту жолдары және реттеу әдістері .................................................................................................... | 43 |
3.1 Елдің инвестициялық климаты және оған әсер етуші факторлар .................... | 43 |
3.2 Шетел инвестицияларының елдің инвестициялық климатын қалыптастырудағы маңыздылығы ............................................................................. | 52 |
Қорытынды................................................................................................................... | 59 |
Пайдаланған әдеиеттер тізімі...................................................................................... | 62 |
Кіріспе
Қазақстан экономикасына инвестиция тарту макроэкономикалық сипаттағы стратегиялық және тактикалық міндеттерді шешуге бағытталған объективті қажетті үрдіс. Инвестициялар экономикамыздың қарқынды өсуіне елеулі әсерін тигізеді. Қазақстан экономикасының даму жағдайларында инвестициялар әлеуметтік және өндірістік мүмкіншілігінің құрылымдық өзгеруінің маңызды құралы болып табылады. Ұдайы өндіріс қатынастары жүйесінде инвестициялар маңызды құрылымдық пайда болу қызметін атқарады, халық шаруашылығының қай салаларына инвестициялардың салынуына қарай экономиканың болашақ құрылымы байланысты болады.
Қазақстан Республикасы аумақтарындағы барлық шаруашылық субъектілеріне үздіксіз сыртқы нарыққа шығу құқығын ұсыну, шетел инвестицияларын кеңінен тарту, ҚР-ның сыртқы экономикалық байланыстарын кеңейту құқықтарын беру инвестицияларды ғылыми-зерттеудің өзектілігін анықтайды.
Қазақстан Республикасының Президенті Н.Назарбаевтың 2017 жылғы 31 қаңтардағы «Қазақстанның үшінші жаңғыруы: жаһандық бәсекеге қабілеттілік» атты Қазақстан халқына Жолдауында «Қазақстан шетел инвестицияларын тарту ісіндегі көшбасшылығын сақтап қалуы қажет.«Астана» халықаралық қаржы орталығы ел экономикасына қаржы ресурстарын тартуда маңызды рөл атқаруға тиіс. Біз тауар өндіру мен өткізу, қызмет көрсету ісін жаһандық желіге бейімдеуіміз керек. Мұны, ең алдымен, трансұлттық компанияларды тарту арқылы жасаған жөн. Қазақстанда өндірістер ашу жөніндегі Қытаймен бірлескен инвестициялық бағдарламаны тиімді жүзеге асыру керек. Қытай тарапымен уағдаластыққа қол жеткізілді. Нысандар белгіленді. Нақты жұмыс істеу қажет» деп атап кеткен болатын [1].
Экономиканың өсуі инвестициялық қызметтің белсенділігімен байланысты. Сондықтан, қазіргі таңда еліміздің алдында тұрған негізгі мақсаты құрылымдық және инвестициялық саясат жүйелерінің барынша қайта қаралуын талап етеді. Бірақ, өз кезегінде инвестициялық қызмет, құрылымы, ұдайы өндірістегі қаржылық және материалдық активтер дәрежесі оның инвестициялық тартымдылығын анықтайтын факторы негізінде еліміздің экономикалық жағдайына байланысты болып келеді, яғни бұл инвесторлардың нарықта инвестициялық стратегияны дайындауды есепке алу факторы болып табылады.
...