Заттық дәлелдемелердің сот-химиялық экспертизасы

Қазақстан Республикасының білім және ғылым министрлігі

Е.А. Бөкетов атындағы Қарағанды мемлекеттік университеті

Реферат

Тақырыбы: «Заттық дәлелдемелердің сот-химиялық экспертизасы»

Орындаған: ХТОВ-31 студенті Тұрлыбек Ғ.А.

Тексерген: Мукушева Г.К.

Қарағанды 2019[pic 1]

Мазмұны                                                                                                               бет

[pic 2]

Кіріспе

Қазіргі заманғы ғылымның даму этабында, тұрмыста және өндірісте қолданылатын техникалар, қоршаған орта химикаттары адам өмірі үшін қауіпті. Қазіргі уақытта 500-ге жуық токсикалық заттар белгілі. Көпшілік әлем елдері сияқты біздің еліміздің клиникалық практикасында да жедел улану жиі кездеседі. Соңғы жылдары алкогольдік және есірткілік заттармен, сонымен қатар психотропты әсерлі тыныштандырғыш заттармен, фосфорорганикалық инсектицидтер және т.б. заттармен улану және өлім саны көбейюде. Удың ағзамен әрекеттесуі салдарынан интоксикация немесе улану деп аталатын патологиялық жағдай туады.

Бұл улану жағдайларынан қылмыстық істер қозғалып, соттық-химиялық сараптамалар іске қосылуы мүмкін. Химиялық сараптама өнімнің химиялық құрамдастарын, сондай-ақ олардың қасиеттерін анықтауға бағытталған зерттеулердің бір түрі болып табылады. Осы сараптама барысында заттардың өзара және қоршаған ортаның компоненттерімен өзара іс-қимыл жасау қабілеті, олардың уыттылығы мен канцерогендігі деңгейі, сондай-ақ зертханалық үлгідегі өзге де құрамдас бөліктердің болуы белгіленеді.

Барлық іс-әрекеттер және соттық-химиялық сараптамалар ҚР-ның ДСМ жазбалары мен бұйрықтары, ҚР-ның қылмыстық, қылмыстық –іс жүргізу кодексі, сонымен қатар бірқатар нормативтік құжаттардың ведомстысымен регламенттеледі және заңдастырылады.

Жұмыста химиялық-соттық сараптаманың негізгі ұғымы мен сарапшы-химиктің негізгі атқаратын қызметін және осы сараптаманың объектілері, яғни заттық дәлелдемелер туралы айтылатын болады.

Берілген ақпарат химия саласындағы студенттердің құқықтық біліммен де таныстырып оның ҚР-да қазіргі уақытты өзектілігін айқындайды.

І. Сот-химиялық сараптама

1.1 Сот-химиялық сараптама ұғымы

Сот сараптамасы - бұл ғылым, техника, өнер немесе қолөнер туралы арнайы білімді талап ететін және сотта, судьяның, тергеу органының, тергеушінің алдына қойылған мәселелер бойынша сараптама жүргізу және сарапшы пікірін беруден тұратын процедуралық іс-әрекет, немесе нақты істе дәлелдеуге болатын мән-жайларды анықтау үшін прокурорға жүктеледі.

Сот-химиялық сараптама (зерттеу) белгілі бір жағдайларда адамның өлімін немесе денсаулығының бұзылуын тудыруы мүмкін заттарды анықтау және сандық анықтау немесе алып тастау мақсатында жүргізіледі. Ол интоксикация және елдің түрлі аймақтарындағы кейбір улармен уланудың алдын алу кезінде емдік көмектің сапасын жақсартуға ықпал етуі мүмкін.

Сот-медициналық сараптама бюросының сот-химиялық бөлімшесінде жүзеге асырылатын сараптаманың осы түрі улы, есірткі және күшті әсер ететін заттарды, олардың адам ағзалары мен тіндеріне, сондай-ақ фармацевтикалық препараттарға, тамақ өнімдеріне, сусындарға, темекі бұйымдарына, яғни адамдар ортасындағы қоршаған заттарға бөлу, сәйкестендіру және сандық анықтау (немесе алып тастау) мақсатында жүргізіледі.