Фибробетонfа арналfан фибранын тyрлерiне және кұрылыста фибробетонды колданудын эффективтiлiгiне талдау

УДК 691

ФИБРОБЕТОНҒА АРНАЛҒАН ФИБРАНЫҢ ТҮРЛЕРІНЕ ЖӘНЕ ҚҰРЫЛЫСТА ФИБРОБЕТОНДЫ ҚОЛДАНУДЫҢ ЭФФЕКТИВТІЛІГІНЕ ТАЛДАУ

Н.Бақытнұр, А.Б.Берикболова

Satbayev University, Казақстан, Алматы қаласы

Т.К.Басенов атындағы сәулет және құрылыс институты

nadiii.bakytnur03@gmail.com, berikbolova.a@mail.ru

Аңдатпа. Экономикалық және әлеуметтік дамудың негізгі бағыттарының ішінде ғылыми-техникалық прогресті жеделдету, оның ішінде құрылыс материалдарын модификациялау ерекше орын алады. Құрылыс материалдарының ішіндегі ең негізгі материал – бетон болып табылады.

Қазір бетон үлкен нысандардың құрылысында қарқынды қолданылады. Бірақ бұл  құрылыс саласында бетонды әліде зертеуді қажет екендігін көрсетеді. Мысалы, ғимараттарды салуда қолданылатын бетондардың дұрыс таңдалмауы. Бұл өз кезегінде адам өміріне қауіп төндіреді.

Дегенмен, ғалымдар мұндай пролемаларды шешу үшін жаңа инновациялы материалдарды өмірге әкелуде.

Жоғарғы беріктіктегі бетон өндірудің ең дамыған бағыты оларды арматуралау болып табылады.

Мақала сондай материалдардың бірі – фибробетон туралы болмақ.

Фибробетон – құрамында әртүрлі фибралармен, байланыстырғыш материалдар, толтырғыштардан  тұратын компазициалы құрылыс материалы.

Бұл бетон түрі қарапайым бетоннан өзінің созылу және сығылу беріктігінің жоғары болуы, тозумен сызат кетуге төзімді болуымен ерекшеленеді. Фибробетонның бұл қасиеттері оның құрамындағы фибраларға тікелей қатысты. Талшықтар – белгілі бір сипаттамалары бар арматуралық материал. Олар дөңгелек немесе жалпақ болуы мүмкін. Материалға байланысты талшықтар бөлінеді: болат және метал емес.

Бұл мақалада, жаңа композициялы құрылыс материалы фибробетон туралы шетелдік және ТМД елдерінің үздік журналдарында жарияланған әртүрлі мақалаларға талдау жасалынады. Фибробетонға арналған фибра талшықтардың түрлері таныстырылады. Сонымен қатар, фибробетонның құрылыстағы тиімділігі мен қолданылуы аяасы қарастырылады. Фибробетонның қарапайым бетонмен салыстырғанда артықшылығы мен кемшілігі туралы мағлұмат айтылады.

Жұмыстың мақсаты: фибробетонның  құрамындағы талшықтардың кейбір түрлеріне салыстырмалы талдау жасау.

Мақаланың ғылыми жаңалығы  бетонның қасиеттерін арттыру мақсатында қолданылатын фибробетонды зерттеуге үлес қосу болып табылады.

Кілтсөздер: бетон, фибробетон, иілу беріктігі, фибраталшық, темірбетон, арматуралау.

Бетон морт сынғыш әрі қатты материал. Бетонның осы кемшілігін жою үшін құрылыста темір арматура қосылып жасалатын темірбетондар қолданылады. Дегенмен, темір арматуралар бетонның беріктігін арттырғанымен, соққы мен сызат кетуге тосқауыл бола алмайды, сондай – ақ, коррозияға төзімсіз болу салдарынан темірбетондар өмір сүру ұзақтығын азайтады. Ал бүгінде ғылымның дамуы кез – келген салада адамзаттың қауіпсіз әрі жеңіл өмір сүруіне жағдай жасауға ұмтылуда. Соның ішінде құрылыс саласында да адам өмірінің қауіпсіз болуы үшін ғалымдар небір жаңа технологиялар мен инновациялардың көмегімен әртүрлі құрылыс материалдарын ойлап табуда. Соның бірі – фибробетон.

Фибробетон – фибралар қосылатын ұсақтүйіршікті бетон түрі. Оны өндіруде ұзындығы 5-тен 150 мм, диаметрі 0,2-ден 1 мм-ге дейін жететін  синтетикалық, шыны және болат талшықтардан жасалатын фибралар қолданылады. [1]

Фибробетон кәдімгі бетонға қарағанда, беріктігінің жоғарылығымен, соққы мен сызатқа төзімділігінмен, аязаға және коррозияға  төзімділігімен, масссасының жеңіл болуымен ерекшеленеді. [2]

Фибробетонның кемшілігі ретінде оның бағасының жоғары болуын айтуға болады. [3]

Фибробетонның негізгі қолданылу аяасы: