Мүйіз сұраймын деп, құлағынан айрылғандар

Мүйіз сұраймын деп құлағынан айрылғандар

Қазіргі таңда сұлу бикештеріміздің жасандылыққа жаны құмар. Әрине, кім, мәңгілік жас болуды армандамайды, - дейсіз? Бәрінің де, жұртшылық назарын өзіне аудартатын ерекше сұлу болғысы келеді. Бірі, қасына татуаж жасатса, ал бірі, ернін үлкейтіп, енді бірі, бетіне ботокс жасатқызады. Міне, осылайша ерекше сұлулықты арман еткен қыз-келіншектеріміз пластикалық ота жасайтын орталықтардың табалдырығын тоздырады. Бүгінгі күнге дейін денесіне пышақ тигізіп көрмеген қазақ қыздарына сүт безін үлкейтіп, мұрын мен қабақты түзеу, беттің әжімдерін тарттыру жат дүние емес. Ал енді, пластикалық хирургия тарихының тереңіне үңілсек. Сұлулық отасы туралы алғашқы жазбаларды біздің заманымызға дейінгі үшінші мың жылдықта жазылған Мысыр папирустарынан кездестіруге болады. Сол кезеңдерден бастап тоқсаныншы жылдардың орта кезеңіне дейін отаны жауынгерлік жорықтардан түрлі жарақат алған сарбаздардың денесінде тыртық қалмасы үшін қолданып келсе, ал қазіргі таңда адамдар сыртқы дүние сұлулығы үшін қолданып келеді. Ота жасатуға келетіндердің 50%-ы жол апатының түрлі салдарынан жарақат алғандар болса, ал қалған 50%-ы өз ажарына көңілі толмайтындар. Пластикалық хирургия қабылдауға келетіндердің дені қыз-келіншектер. Мамандардың айтуы бойынша, елімізде пластикалық ота көмегіне жүгінетіндердің басым көпшілігін қабаққа қатпар салдыру, бет терісін жаңарту, мұрын, ерін, құлақ пішінін өзгерту сынды операция жасатқысы келетіндер құрайды. Одан кейінгі орында – беттің әжімін тартқызуға ниеттілер болса. Ал, үшінші орында – артық майдан арылу, сүт бездерін үлкейту оталарын жасатуды құп көретіндер. Ота жасайтын емханалар бет терісін 18 мың тг тартса, көз