Менің болашақ кәсіби қызметім үшін саясаттанудың маңызы

Қазақстан Республикасының білім және ғылым министрлігі

С.Аманжолов атындағы Шығыс Қазақстан унтверситеті.

Жоғары гуманитарлық ғылымдар мектебі.

                                                                                                 Орындаған:

                                                                                                 Шет тілі: екі шет тілі

«А» группасы

Хамитханова Еңлік

Қабылдаған:Игисинова Н.Б

   «Менің болашақ кәсіби қызметім  үшін саясаттанудың маңызы»  

Педагогикада көптеген ғылым салалары маңызды. Солардың бірі-саясаттану. Саясаттану 1880 жылдан бастап жоғары оқу орындарында пән ретінде қалыптасты. Саясаттану көптеген мамандыққа қажет бағыт. Әсіресе мұғалім мамандығында.

Менің ойымша, саясаттану менің болашақ мамандығымда үлкен рөл ойнайды. Себебі, біріншіден, болашақ мұғалім ең алдымен қоғаммен, яғни адамдармен жұмыс жасайды. Ал жұмыстың бұл түрінде әртүрлі конфликт шығуы мүмкін. Мұғалім сол конфликттерді шешіп, балалармен, ата-аналармен, әріптестермен жұмыс жасай білу қажет. Саясаттану компромисске келіп, өз құқығын біліп, өзгенің кеңістігіне қол сұқпауға үйретеді. Әртүрлі жағымсыз, келеңсіз жағдайларға тап болғанда, саясаттану саласында үйренген білім арқылы көптеген жағдайлардың шешімін табуға болады. Ұстаздың алдына әртүрлі балалар келеді. Олар ерке, тентек, еріншек болуы мүмкін. Ұстаз болса осы қабілеттермен жұмыс жасай алу керек.

Демек, екіншіден, мұғалім алдында қандай оқушы отырмасын, одан білікті, білімді әрі көрнекті тұлға шығара алу қажет. Ол үшін әр тұлғаның өз пікірі болады, ал оны қалыптастыруға көмектесетін бас тұлғалардың бірі-мұғалім. Оқушының әлемде болып жатқан оқиғаға деген өз пікірі болу қажет. Көпшілікті тыңдай біліп, өз жеке ой-пікірін құрастыра алу керек. Оған қоса, оқушы қай тұстың дұрыс, қай тұстың бұрыс екенін ажырата білу керек. Оған ұстаз өзінің саясат ғылымы туралы білімімен үлкен әсер етеді.

Үшіншіден, қоғам болғандықтан сыныпта түрлі саяси даулар пайда болуы мүмкін. Гендерлік дискриминация, нацизм мен шовинизмнің белгілері, әлеуметтік теңсіздік, діндік немесе этникалық қақтығыстар сынды көптеген саяси контексттегі келіспеушіліктер орнығуы мүмкін. Сондай жағдайларда мұғалім дұрыс шешім қабылдап, ақылға қонымды әрекет жасау керек. Бұндай саяси конфликттердің басын қолға алмаса, соңы жақсылықпен аяқталмай, өкініште салдарға алып келуі мүмкін. Сол себепті де мұғалімге бұның алдын алу маңызды.