Анемиямен ауырған малды клиникалық-лабораториялық зерттеу

№11 Зертханалық сабақ.

Тақырыбы: Анемиямен ауырған малды клиникалық-лабораториялық зерттеу.СҒЗЖ.

Мақсаты: Қан жүйесінің ауруларымен ауырған малды зерттеуге және диагноз қоюға дағдылану.

Құрал-жабдықтар мен реактивтер:

1. Фонендоскоп, перкуссия жасайтын балғашық, плессиметр және термометр.
2. 15-ші окуляр,40-шы объективтері бар микроскоптар .
3. Сли гемометрлері, капилярлар, санау Горячев камерасы, меланжерлер.
4. Қайшы, тамыр керітетін ине (скарификатор-ине).
5. Заттық, жабатын және тегістелген шынылар.
6. Ақ жайма, мақта, мақта тампондары.
7. Дезинфекцияға арналған ерітінді.
8. Гематологиялық зерттеулерге арналған ерітінділер жинағы, тазартылған су.

1. Тапсырма. Ауру малға клиникалық зерттеу (жүргізу методикасын 22 бетіндегі 8-сабақтан қараңыздар)
2. Тапсырма. Қанға лабораториялық зерттеу жүргізу.

А) Қан жағындысын дайындап, оны айқындап бояу.

Орындау әдісі:

Малдың құлағының ұшындағы қылшықты қырқып, спиртке малынған мақтамен теріні сүртіп, содан кейін құрғақ мақтамен сүрту керек және инемен құлағындағы тамырды тесу керек. Бірінші шыққан қан тамшысын сүртіп тастап, келесі тамшыны таза майсыздандырылған заттық шынының ұшына алу керек. Тамшыға тегістегіш шыныны әкеліп, (қан тамшыны тегістегіш шынының қабырғасына жағады) онымен жағынды жасап, ауада кептіру керек. Кепкен жағындыны ұстағышқа 1 минутқа салып, ауада кептіру керек. Лотоққа қойып 40 минутқа Романовский – Гимза сұйытылған бояуын құйып қоюды (бояу ерітіндісі 1 мл тазартылған суға 1,5 тамшы бояу есебімен ) дайындалады. Уақыты өткен соң тазартылған сумен шайып кептіру керек.