Тілдік портфелио

                                          КІРІСПЕ

Тақырыптың өзектілігі :

Қазіргі таңда үздіксіз білім беру жүйесінде білім беруді дамыту, дүниежүзілік білім беру кеңістігіне кіру мақсатында елімізде білім берудің жаңа жүйесі құрылып жатыр.  Осыған орай Қазакстан Республикасының бұрынғы президенті Н. Назарбаевтың Қазақстан халқына Жолдауында «бізге экономикалық қоғамдық жаңару қажеттіліктеріне сай келетін осы заманғы білім беру жүйесі қажет» делінген. Сол білім беруді дамыту ісі жеке тұлғаға мәдени-тарихи құндылықтарды, нормалар мен дәстүрлерді, білім берудің арнайы таңдап алынған мазмұны мен нысандарын беру болып табылады. Нәтижелі білім алудың мәнісі сол, мұнда оқушының іс-әрекеті оның жеке басының әлеуметін іске асыруға негізделген және оның оқытылатын пәндер мен салаларға сәйкес келетін білім алуын талап етеді.Сондықтан оқытушылардың алдында өмірге жан - жақты дайындалған, еңбек сүйгіш, ынталы, шығармашылықпен ойлайтын, интеллектуалдық және адамгершілік тұрғысынан бай, жоғары білімді жеке тұлғаны оқытып, тәрбиелеу қажеттігін дамыту мәселесі тұр.Қазіргі таңдағы өзгерістер қоғамның шығармашыл әрекет пен шығармашыл тұлғаға мұқтаж екенін күнделікті өмірдің өзі дәлелдеп отыр.

Қазіргі уақытта тұлғаның қалыптасуы жаңа әлеуметтік-экономикалық және саяси жағдайларда, өзге де адамгершілік-этикалық атмосферада жүреді, бұл оқыту мен тәрбиелеуді ұйымдастырудың тәсілдерін қайта қарауды талап етеді. Қазіргі жағдайда адамның қоршаған ортамен, басқа адамдармен қарым-қатынасы іс-әрекет, дербестік және оның белсенділігінің әртүрлі формаларының көрінісі негізінде кеңейіп, тереңдетіледі. Қызмет арқылы (оқу, ойын, еңбек) шындыққа, өзіне деген қарым-қатынас қалыптасады (Л. И. Божович, Л. С. Выготский, С. Л. Рубинштейн). Әртүрлі зерттеулерді талдау (А. Г. Ковалев, О. А. Конопкин, А. К. Осницкий, П. И. Пидкасистый, А. А. Реан және т.б.) өзін-өзі бақылау оқу және еңбек қызметінің барлық түрлерінің құрамдас бөлігі болып табылатынын көрсетті. Өз қызметін бақылай алмау, өз мүмкіндіктері мен өсу деңгейін бағалай алмау — табысты айналысатын оқушылардың да жолында кездесетін типтік кедергі. Тілдік портфель оқытудың барлық кезеңдерінде ынталандыруды және қолдауды жүзеге асырады және оқу қызметіндегі табыс жағдайын күшейтеді, яғни "оқушылардың шет тілін өз бетінше және үздіксіз оқуға, одан әрі өз бетімен білім алуға және оның көмегімен басқа білім салаларында шет тілін пайдалануға қабілеттілігі мен дайындығын" дамытуды қамтамасыз етеді [2]. Бұл дегеніміз - тілдік портфель білім алушының танымдық іс-әрекетке қызығушылығын қалыптастыруға, яғни экзистенционалды құзыреттілікті меңгеруге бағытталған. Білім беру құзырының осы компоненті шеңберінде білім беруді жаңғырту тұжырымдамасында айқындалған тәрбиенің маңызды міндеті жүзеге асырылады.

Оқушыларды оқытудың, бақылаудың және өзін-өзі бақылаудың жаңа түрлері пайда болады. Олардың бірі-тілдік портфель.Білім беру құзырының осы компоненті шеңберінде білім беруді жаңғырту тұжырымдамасында айқындалған тәрбиенің маңызды міндеті жүзеге асырылуы біздің «Тілдік портфель (портфолио) оқушылардың оқу жетістіктерін бағалаудың баламалы тәсілі ретінде»  тақырыбында курстық жұмыс жазуды таңдауға алғышарт бола отырып, қарастырылып отырған  мәселенің өзектілігін айқын көрсетеді.

Зерттеу жұмысының маңызы: Көптеген оқу әдебиеттерінде бұл тақырыпты кеңінен талқылаған,ал желі сайттары мен басқа да ресурстарда ортақ характер болғанымен, мазмұны тар көзқараспен шектелген. Жұмыстың маңыздылығы тілдік портфолио ерекшеліктері мен қолдану аясындағы ролін кеңінен ашуға негізделген.

Курстық жұмыстың мақсаты: берілген проблематика бойынша жаңашыл зерттеулердің көзқарасы тұрғысынан «Тілдік портфолио» тақырыбын талдау болып табылады.

Курстық  жұмыстың міндеттері:

-   Тілдік портфельдің құрылымы мен мазмұнын талдау;

-   Тілдік портфельмен жұмыс істеу алгоритмін әзірлеу;

- Зерттеу тақырыбы бойынша әдебиеттерді және басқа да ақпарат көздерін зерттеу;

            -  Портфолионы пайдаланудың әлемдік тәжірибесін жалпылау және білім жетістіктерін бағалау үшін неғұрлым тиімді аспектілерді бөлу;