Мәдинә Маликова иҗаты буенча “Үз уеным” бәйгесе

 Мәдинә Маликова иҗаты буенча “Үз уеным” бәйгесе

Актаныш муниципаль районы Чуракай төп гомуми белем бирү мәктәбенең татар теле һәм әдәбияты укытучысы Миназова Равия Җәмигънур кызы

Максат:

1.Укучыларны  Мәдинә Маликова иҗаты белән таныштыруны дәвам итү.

2.Мөстәкыйль эзләнү эшчәнлеген булдыру.

3.Күренекле язучылар белән горурлану хисе тәрбияләү.

Җиһазлау. Ноутбук, интерактив такта, М.Маликова портреты,китап күргәзмәсе,”ТАССР-100 ел” плакат.

Укытучы: Исәнмесез! Хәерле көн, хөрмәтле кунаклар, укытучылар, укучылар. Бүген без “Үз уеным ” исемле интеллектуаль уеныбызны башлап җибәрәбез. Әлеге чара  ТАССР төзелүнең 100 еллыгына, Г.Тукай исемендәге Дәүләт премиясенә ия булган  күренекле язучы – Мәдинә  Маликованың тормыш юлы һәм иҗатына багышлана.

   Уеныбызда катнашучылар: бишәр укучыдан торган 2 команда.

Беренче команда- “ Тапкырлар  ”

Икенче команда- “Зирәкләр  ”

   Хөрмәтле  тамашачылар! Жюри әгъзалары белән танышып узыйк. (Жюри әгъзалары белән таныштыру).

    “Үз уеным” дип аталган интеллектуаль уен  кагыйдәләрен искә төшерәбез. Уенда Мәдинә Маликованың иҗаты, тормыш юлы буенча сораулар куелган.Сораулар 4 бүлектән тора.  Һәр бүлектәге сораулар баллар белән билгеләнә. Иң түбән балл – 50. Сораулар катлаулырак булган саен баллар да югары. Командалар сорауларны чиратлап сайлыйлар. Рәхим итеп, уенны башлыйбыз.

Тормыш юлы:

1.М.Маликованың  туган көне -100 балл  (5 август,1935 нче ел)

2.Туган авылы-50 балл (Сарман районы Мортыш Тамагы  авылы)

3.Кайсы уку йортларында белем ала- 90 балл (Минзәлә педагогия училищесын,Казан дәүләт педагогия институтын тәмамлый)

4.”Чаян”журналында  нинди вазифа башкара? - 150 балл(корректор)

5.Һөнәре?- 80 балл ( язучы, драматург)

Иҗаты:

1.Нинди жанрларда иҗат итә?-50 балл(хикәя,повесть,роман,драма)