Психологиялық кеңес беру

Психологиялық кеңес беру

Психологиялық кеңес беру - психотерапиядан бөлек психологиялық көмек түрлерінің бірі болып табылады  (психотерапия, психотерапия, психологиялық тренинг және т.б.).

Р. Нельсон-Джонстың айтуынша, психологиялық кеңес беру -  көмек көрсетудің бір түрі болып табылады.

Психологиялық кеңес беру саласының маманы Римантас Кочюнас  (поляк) жазғандай, бұл кәсіби қызмет психологиялық көмекке ұмтылған адамдардың қажеттіліктеріне жауап ретінде пайда болды. Осы себепті, психологиялық кеңес беру мамандары, ең алдымен, күнделікті өмірде, қарым-қатынаста және т.б. қиындықтарға тап болған адамдарға көмектеседі.

Психолог ғалымдар Г.С.Абрамова, Ю.Е Алешина, А.А.Бодалев, Г.В.Бурменская, И.В.Дубровина, В.Н.Карандашев, А.Г.Лидерс, Е.И.Рогов, В.В.Столин кеңестік дәуірдегі жэне одан кейінгі уақыттағы психологиялык қызметтің, соның ішінде психологиялык кеңес берудің мазмұнын анықтап берді. Жоғары оку орнында психологиялык қызметті қалай жүргізуге болатындыгы, студенттердің жеке басын қалыптастыруда психологиялык кеңес берудің маңыздылығы туралы зерттеулерді О.М.Анисимова, Н.М.Владимирова, М.Д.Дворяшина, М.В.Зюзько, Н.С.Копеина, Б.Б.Коссов, Н.Н.Обозовтардың еңбектерінен кездестіре аламыз.

Психологиялық кеңес берудің мақсаттары

Психологиялық кеңес беру мақсаты - клиентке өз проблемасын шешуге көмектесу. Маңызды шешімдер қабылдау, пайда болған проблемаларды шешу, өз мақсаттарына жету, өздерімен және айналасындағылармен үйлесімді өмір сүру үшін мінез-құлық моделін тану және өзгерту.

Ю. Алёшина бойынша психологиялық кеңес берудің негізгі мақсаттарының бірі  - бұл психологиялық көмек беру.Сонымен қатар осы мақсатты одан әрі нақтылау өте қиын міндет.

Психологиялық кеңес берудің мақсаттары нақты психологиялық мектепке байланысты.

Олардың кейбіреулерін қарастырайық:

 Мінез-құлыққа бағытталған бағыт адамның мінез-құлқын өзгертуге бағытталған.

Эмми Ван Дортценнің айтуынша, экзистенциалды бағытта психологиялық кеңес берудің мақсаты «өмірді түсіну, анықтау».

Кеңес берушінің клиентке берген көмегі оның түсінігін пайдаланып, өмірдегі өз бағытын анықтауға бағытталған. Бұл процесс адамның мақсаттары мен ниеттері, сондай-ақ оның өмірге жалпы көзқарасын түсінуді білдіреді.

Психологиялық кеңес берудің міндеттері:

• Клиенттің пайда болған мәселесін анықтау;
• Пайда болған мәселенің маңыздылығы жайлы ақпарат беру;
• Мәселені клиенттің өзі шешуге қабілеті бар ма, соны зерттеу;
• Мәселені шешу үшңн нақты кеңестер мен ұсыныстар беру;
• Болашақты болатын мәселені қалай ескеру керектігін үйрету;
• Өмірге қажетті психологиялық білім мен дағды,а арнайы психологиялық дайындықсыз дұрыс шешім қабылдауға икемдеу;

Психологиялық кеңес жұмыстары

Психологиялық  қызметте  кеңес  беру  бағыты  бойынша  қызметкерлер  нақты  міндеттерді  шешеді:

1.Оқу-тәрбие  мекемелерінің  әкімшілігіне,  мұғалімдерге,  тәрбиешілерге,  ата-аналарға,  мастерлерге  балаларды  оқыту  және  тәрбиелеу  және  бірлесіп  жұмыс  істеу  мәселесі  бойынша  кеңестер  береді.

2.Балаларға  оқу,  жетілу,  өмірлік  және  кәсіби  өз-өзін  анықтау,  ересектермен  және  құрбыларымен  өзара  қарым-қатынас,  өз-өзін  тәрбиелеу  және т.б.  мәселелері  бойынша  жеке  және  топтық  кеңес  беріледі.

3.Жеке  және  топтық  кеңес  беру  арқылы   педагогикалық кеңестерге,  әдістемелік  бірлестіктерге,  жалпы  мектептік  және  кластық  ата-аналар  жиналысына  қатысып,  дәріс  оқу  арқылы  педагогтардың,  ата-аналардың,  мастерлердің,  қоғамдық  өкілдердің  психологиялық  мәдениетінің  жоғары-лауына  септігін  тигізеді.

4. Бала  тағдырында  мүмкін  болатын  өзгерістерді  (арнайы  оқу-тәрбие  мекемелеріне  жіберу,  ата-ана  құқығынан  айыру,  бала  асырап  алу  ж.т.б.) анықтауға  байланысты сәйкес  инстанциялардан  дұрыс  шешім   шығару  мақсатында,  халықтық  соттың,  қамқорлық  көрсету  ұйымдарының  сұранысы  бойынша  баланың  психикалық  жағдайы,  психикалық  даму  ерекшеліктері.