[Ж] дыбысын буында, сөзде, сөйлемде машықтандыру

Сабақ жоспары

Сабақ түрі: Жеке сабақ

Тақырыбы: [Ж] дыбысын буында, сөзде, сөйлемде машықтандыру

Мақсаты:  - [Ж] дыбысын түзету;

- [Ж] дыбысын буын, сөз, сөйлем арасында машықтандыру;

- Тыныс алуын дамыту;

-  Жаттығулар арқылы тілдің бұлшық еттерін қатайту.

Түзету жұмысының барысы: Түзету жұмыстары:

І бағыт:

 - Артикуляциялық жаттығулар;

 - Тыныс алу жаттығулары;

 - Фонематикалық естуін дамытуға арналған жаттығу.

ІІ бағыт:

 - [Ж] дыбысын дұрыс толық айтуға машықтандыру;

 - [Ж] дыбысының сөздің басында, ортасында, соңында кездесетін сурет арқылы дұрыс айта білуге үйрету;

 ІІІ бағыт:

 - Фонематикалық естіп қабылдауын дамыту;

 - Көріп қабылдауын дамыту;

 - Танымдық әрекетін дамыту.

Әдіс-тәсіл: сұрақ-жауап, түсіндіру, көрсету, сергіту, ойын.

Көрнекіліктері: айна, артикуляциялық жаттығулардың суреті, «Ж» дыбысы бар  суреттер, құрастырмалы суреттер.

Ұйымдастыру барысы: Баламен сәлемдесу.

Негізгі бөлім: Бүгін біз «Ж» дыбысын айтуға үйренеміз. Сабағымызды бастамай тұрып, тілімізді жаттықтырып алайық.

І. Артикуляциялық  жаттығулар:

«Түтікше» - тіл ауыздан шығарылады да, түтікше түріне енгізіледі. 

«Тісімізді тазалаймыз» - жымиып, тістерді көрсету. Ауызды ашып, тілдің ұшымен жан-жаққа, одан кейін жоғарыдан төмен қарай қозғалыстарды жасау.

«Кеме келе жатыр» - жымиып, ауызды ашу, күшпен «ы-ы-ы…» деп айту.

«Сағат» – тілді жіңішкертіп ұстап оңға, солға жайлап қозғау керек.

«Ат шауып келеді» – ауызды кең ашып тілді таңдайға жапсыру – айыру немесе таңдай қағу.

ІІ. Тыныс алу жаттығулары:

Мұрынмен тыныс алу, мұрыннан шығару.Мұрынмен тыныс алу, ауыздан шығару.Ауызбен тыныс алу, ауызбен шығару.

Буында машықтандыру.