Қазақстан

Мен туып өскен егеменді ел ол - Қазақстан. Бұл сан ғасырлық тарихымен, көне мәдениетімен ерекшеленетін , сұлулығын сөзбен айтып жеткізе алмайтындай табиғаты бар, ұлы мемлекет. Талай қасіреттің куәсі болған қасиетті мекеніміз.

Республикамыз өз тәуелсіздігін 1991 жылы Нұрсұлтан Әбішұлының арқасында қол жеткізді. Тұңғыш Президентіміз, елбасымыздың арқасында өз шекарамызды бекітіп, тілімізді, валютамызды, Ата заңымызды қабылдадық . Қасиетті тәуелсіздігіміз бен отыз жылдық еңбектің арқасында еңселі елу елдің қатарына қосылып, көптеген мемлекеттермен дипломатиялық, саяси, сауда, экономикалық тұрғыда қарым-қатынас орнаттық. Ендігі арман елімізді дамыған отыз елдің қатарынан көру.

«Қазақстанның бүкіл тарихы – бірігу, тұтастану тарихы» деп елбасшысы айтпақшы осы уақытқа дейін, ел ішінде дағдарыстар, келіспеушіліктер, әртүрлі келеңсіз оқиғалар болса да, бірліктің, татулықтың маңызын түсіне білдік. Қазір сол ынтымақтастықтың нәтижесін көріп отырмыз.

Ал менің қиялымдағы Қазақстан қазіргіден басқашалау. Менің арманымдағы елге көз жүгірте өтейік.

Халық саны қазіргіден көп. Қазақстанда өмір сүріп жатқан барлық ұлт-өкілдері емін-еркін қазақ тілінде сөйлей алады. Өз тілін өгейсітетін шалақазақтар мүлдем жоқ. Әрбір мен-мен деген азаматтың бойында Отансүйгіштік, патриоттық сезім оты лаулап тұр. Елдің қамын атағы жер жарған батырларымыздай қорғай білетін, ақындары Абай мен Мұқағалидай жырлай білетін, азаматтары желтоқсан оқиғасы мен Ұлы Отан соғысының қатысушылары секілді өршіл, рухты, балаларын Құнанбайдай тәрбиелей алатын әкелері бар, қыздары абыройы мен арын сатпаған, азаматтары жалындаған, айбынды