Алматы

Алматы

         Алматы Алатау бөктерінде орналасқан, Қазақстанның ең көрікті қалаларының бірі. Алматы өзінің биік таулы көріністерімен және көптеген туристік объектілерімен танымал. Қала тым ескі болғанымен, өз ерекшелігін әлі де, жоғалтқан емес. Оңтүстіктегі біздің астанамыз - ірі мегаполис болып табылады.  Мұнда саябақтар, сауда орталықтар, театрлар, кинотеатрлар және тағы басқа да түрлі мекемелер салынған және бұл таңғаларлық емес, себебі, мұндай үлкен қалада азаматтарға арналған ыңғайлы жағдай жасалған.

         Мен осы қаланың тұрғыны ретінде жағымды-жағымсыз жақтарын сипаттай аламын. Мысалы, Алматы қаласының әрбір азаматтарының өзінің жеке бизнесін аша алуында және жұмыс таңдау шектеуі болмауында. Ал, жағымсыз жақтарына келетін болсақ, әрине, бұл бәріне таныс экологиялық фактор. Оның ішінде, автокөліктердің және қала ішінде орналасқан ірі зауыттардың кесірінен ауаның ластануы, адамдардың табиғатқа немқұрайлы қарап, қоқыс тастауы бүгінгі күннің үлкен проблемаларына жатады. Сондай-ақ,қала ішіндегі  құрысылыс заттарын сататын базарларды, бірінші кезекте, сыртқа көшірген жөн. Өйткені, ауаның ластануына құрылыс заттарының да қосып отқан үлесі аз емес. Дегенімен, үлкен қала болғандықтан, өмір ритмі күнделікті қозғалыста болады. Автокөліктердің сигналдарынан, әскери дабылдардан, түрлі мейрамхана мен кафеден шығатын музыка, шудан бір сәтке болса да, демалу үшін тау-көлдерге шығып кету қиын емес. Атап кетсек, қала маңында Көлсай-Қайынды, Алмаарасан, Үлкен Алматы өзені және де дүниежүзіне танымал Шарын шатқалы бар. Бұл тек менің айтпақ ойымның жартысы ғана. Айта берсек қаланың жағымды жақтары да, жағымсыз жақтарыда таусылмас.