Көлік-логистика инфрақұрылымының тиімділігін арттыру

Көлік-логистика инфрақұрылымының тиімділігін арттыру

        Қазақстан Республикасының Президенті Н. Назарбаевтың 2018 жылғы 10 қаңтардағы Қазақстан халқына Жолдауыдағы төртінші бағыт бұл – Көлік-логистика инфрақұрылымының тиімділігін арттыру болды.

        Әлемдік тәжірибе көрсетіп отырғандай, экономиканың қарқынды дамуы елдегі тасымал көлемінің өсуіне, жолаушылар тасымалы, жүк тасымалы, соның ішінде ішкі және халықаралық транзит көлемінің артуына әкеледі  

        Көлік жүйесін дамыту Қазақстанның әлеуметтік-экономикалық дамуының ұзақ мерзімді перспективаға арналған катализаторына айналып, ел ішіндегі аймақаралық байланысты және ел экономикасының әлемдік жүйеге ықпалдасуын қамтамасыз етуі, қазіргі заман, сапа мен қауіпсіздік өлшемдеріне сай келуі тиіс.

        Ел ішіндегі көлік жүйесін дамытпайынша, жаһандану жағдайларында Қазақстан экономикасын әлемдік жүйеге сәтті ықпалдастыру мүмкін емес. Жаһандану жағдайында Қазақстанның  аумағының кеңдігі,  экономиканың және  мемлекеттің  бәсекеге қабілеттілігі  көбіне көлік-коммуникация кешенінің  тиімді  қызметіне  байланысты болады. 

        Мемлекеттік көлік және транзиттік  саясатқа сәйкес келетін жоғары технологиялы көлік инфрақұрылымы отандық  тауарлардың, қызмет көрсетулердің және тұтас экономиканың   бәсекеге қабілеттілігінің кепілдігі болып табылады

        Қазақстанның  көлік-логистикалық жүйесін дамытудың негізгі үш бағыты айқындалады:

1. Транзиттік әлеуетті жоғарылатуды жүзеге асыру бойынша міндеттер;
2. Жолаушылар тасымалын дамыту бойынша міндеттер;
3. Эконмиканың ішкі қажеттіліктері мен экспортты дамыту бойынша міндеттер;

        Аталған міндеттерді жүзеге асыру барысында еліміздің автомобиль көлігі саласында 12 жоба жүзеге асырылуда:

Батыс Еуропа –Батыс Қытай, Орталық – Оңтүстік, Орталық – Шығыс, Орталық – Батыс, Алматы – Өскемен, Астана – Петропавл, Қызылорда – Жезқазған – Қарағанды, Жезқазған – Петропавл, Орал – Каменка, Үшарал – Достық, Жетібай – Жаңаөзен,  Астананың оңтүстік-батыс айналмасы

        теміржол көлігі саласында 2 жоба (Боржақты - Ерсай , Алматы – Шу)  

...