Кәсіпкерлік

Әл-Фараби атындағы Қазақ Ұлттық Университеті

«Экономика және бизнес» жоғары мектебі

«Экономика» кафедрасы

СӨЖ жоспары

6В04106- Қөаржы  мамандығы студенттеріне арналған

«Кәсіпкерлік» пәні бойынша

Алматы, 2021 ж.

Студенттің өзіндік жұмысы студенттер білімінің тереңдігін, дағдылары мен біліктілігін, білім меңгеруіне ықпал ететін оқу процесінің ең негізгі элементтерінің бірі болып саналады. СӨЖ орындау арқылы студент оқу процесінің белсенді мүшесі бола отырып, өз ойын еркін сондай-ақ нақты дәлелдермен жеткізе алатын дағдыларды үйренеді және меңгереді.

СӨЖ студенттердің таным қызметінің бір тармағы болып табылады. Ол студенттерге белгілі бір тақырып шеңберінде білімдерін тереңдетуге мүмкіндік береді. Студент СӨЖ тақырыптары, тапсырмалары, оны орындау уақытымен танысып, белгіленген кестеге сәйкес орындаған жағдайда тиісті балл жинай алады.

Студенттер өзіндік жұмысты орындамас бұрын тақырып бойынша ұсынылған негізгі және қосымша әдебиеттермен танысуы керек. Сондай-ақ өз қалауы бойынша статистикалық мәліметтер, мерзімдік басылым, интернет сайттары, электронды оқулықтар материалдарын пайдалана алады. Бұл материалдар экономикалық құбылыстарды салыстыру, талдау әдісін қолдануда қажет болады.

Студенттердің білімдері жеке жазбаша жұмыстар, эссе жазу, ауызша жауап беру, презентация жасау, дөңгелек үстел ұйымдастыру, аналитикалық анықтама жазу, сондай-ақ пән ерекшелігін ескере отырып материалдарды кесте, диаграмма, график түрінде ұсынуы негізінде бағаланады.

Мысалы, аналитикалық анықтама жазу үшін:

• талдау қажет категорияның мәнін ашып, оны құраушы элементтерді анықтау;
• экономикалық құбылыстың өткен және қазіргі кезеңдегі жағдайын сипаттайтын көрсеткіштерді таңдау;
• осы құбылыс өзгерісінің динамикасы мен беталысы көрсету;
• әсер ететін факторларды талдау;
• мүмкін болатын перспективаларды анықтау.

Әрбір студенттің өзіндік жұмысының соңғы кезеңінде СӨЖ арналған тапсырмаларды бағалау келесі жағдайларды ескеру арқылы жүзеге асырылады:

1. теориялық және тәжірибелік білім көлемі;
2. мәселені зерттеу тереңдігі;
3. ғылыми әдебиеттерді пайдалану негізділігі;
4. тақырыпты зерттеу кезіндегі дербестігі және шығармашылық көзқарасы;
5. креативтілік;
6. нақты мәселелерді шешу үшін өзінің білімін қолдана білу;
7. шешендік қабілеттер;
8. рәсімдеудің дұрыстығы;
9. қорғау кезінде өз ойын еркін, толық және дәлелді түрде жеткізе алуы;
10. баяндамасын немесе презентациясын қисынды жасай білу.

«Кәсіпкерлік» пәні бойынша 3 СӨЖ қарастырылған.

Студенттің өзіндік жұмысы (СӨЖ) 1 – «Кәсіпкерліктің ішкі және сыртқы ортасын талдау (нақты кәсіпорын мысалында)» жобасы (жеке жұмыс)

Жеке жасалатын өзіндік жұмысыңыз төменде көрсетілген 3 бөлімді қамтуы керек, соның ішінде ішкі және сыртқы факторларды нақты кәсіпорын мысалында көрсетіп, талдау жасаңыздар

1 бөлім

Қазақстан Республикасында түрлі салада әрекет ететін кез-келген кәсіпорынды мысалға ала отыра «Кәсіпкерлік түрлері және кәсіпорынның ұйымдық-құқықтық нысаны (таңдалған кәсіпорын мысалында)» атты тақырыпта жұмыс орындаған болатынсыздар. Сол кәсіпорынның негізінде жобаны жалғастыруға болады. Бұл жұмысты орындау барысында келесі мәселелер қарастырылды:

1. кәсіпорын туралы қысқаша мәліметтер;
2. кәсіпорынның даму тарихы, құрылуы, ұйымдық құрылымы және т.б.;

2 бөлім

Ұйымның ішкі ортасы.

Ø Мақсаты

Ø Міндеттер жеке адамдарға емес, құрылымдағы қызмет орнына жүктеледі. Әрбір

қызмет орныныңнегізгі мақсатқа үлес қосу үшін бекітілген арнайы міндеттері болады және ол белгілі бір уақытта, белгілі бір әдіспен орындалуы тиіс.

Міндеттердің үш түрі болады:

а) ададмдармен жұмыс істеу;

ә) заттармен жұмыс істеу (техника, құрал-жабдық, шикізат т.б.;

б) мәліметпен жұмыс істеу.

Әр қызметкер өзінежүктелген міндеттеріне сай адамдармен, мәліметпен, заттармен жұмыс атқаруы арқылы бөлімдердің және ұйымның мақсаттарын орындайды.