Кәсіпорынның кәсіпкерлік қызметін басқару

Мазмұны

Мен, Нурланова Розиля Абдыхамбетқызы, Ж.Қ.Букенов атындағы Қарағанды банк колледжінің «Есеп және аудит» мамандығының 3 курс студентімін. Наурыз айының 19-нан маусым айының 8-не дейін ЖШС «EKO Sphere KZ» мекемесінен бухгалтерия бөлімінде бухгалтердің көмекшісі ретінде өндірістік іс-тәжіребеден өттім.

Бұл іс-тәжіребеден өткенде осы мекеменің барлық іс қағаздармен, соның ішінде бухгалтерлік жазбаларымен сондай-ақ ұйымның  құрылымымен, жалпы қаржылық жағдайымен таныстым.

Бұл іс-тәжіребенің мақсаты: алынғантеориялық білімдерін практика жағынан қолдану.

Бұл іс-тәжіребенің мәні: осы мамандықпен байланысты құжаттармен танысу және осы құжаттаманы жүргізу талаптарымен танысу, тиісті компьютерлік программалардан білімді кеңету, осы салада білімді кеңейту және біліктерін дамыту.

Кіріспе

Нарық экономикасына көшу кезінде бухгалтерлік есеп (БЕ) барлық шаруашылық есебінің басты негізгі бөліктерінің бірі болып есептелінеді. Қандай да болмасын кәсіпорындар, ірілі-уақты шаруашылықтар мен мекемелер, ұйымдар, өнім өндіруші орындардың барлығы да БЕ жұмысын жүргізуге міндетті. Шарашылықтар мен мекемелер, мүліктер мен қаражаттар, қаржылар мен қорлар, өнімдер мен өндірілген өнімдердісату, өткізу процестері болған кезде БЕ жұмысын жүргізу негізгі экономикалық мәселелердің бастысы болып табылады. БЕ арқылы өндірілген өнімдерді есепке алу, бұлардысату, өткізу және айырбастау, түскен қаржыны кіріске алу, бұларды дұрыс бөліп, тиімді пайдалану, шаруашылық жұмыстарының барлығын әуел бастан ең соңына дейін жүргізуге, нақтылы іске асыруға болады. Осы айтылғандардың барлығы бірдей есепке алынуы БЕ тән сипат және басты шарт, міндетті түрде орындалуға тиісті экономикалық талап болып есептелінеді.

Бұл мақсаттарды нақтылы жолдармен өз мәнінде жүргізу, оны жүзеге асыру үшін БЕ ең әуелі бақылау міндетін іске асыруы тиіс. Содан соң шаруашылық жұмыстарды технологиялық өнім  өндіру процесінде қажетті шаруашылық операцияларды  жұмсалынған шығындар мен қаржыларды бірегейлеп өлшеуді немесе өлшем жүйесіне келтіруді іске асырады немесе сандық өлшемге айналдырады. Шаруашылық операцияларын бірегейлі сандық өлшемге  келтірудің өз орны және өзгешелігі болады. Сандық өлшем көрсеткіштеріне  зер салып қарау мен талдап қарау әрбір нақтылы фактілерді әрі қарай зерттеумен байланысты. Мұның өзі әрбір  кәсіпорын жұмысында дұыс басшылық жасау үшін шаруашылық операцияларын реттеп тиімді жолдармен жүргізу бағытында аса  қажетті көрсеткіштер жүйесін құрайды. Мысалға: кассадағы және есеп айырысу шотындағы ақша қаражаттарының саны, еңбек  шығындарының есебі т.б. нақтылы фактілерді сипаттап, арнайы  шешім қабылдауға қажет. Шаруашылық процестерін ғылыми және  практикалық әдістермен зерттеуге сай экономикалық және  технологиялық операциялардың барлығын дер кезінде тіркеп отыру, жоғарыда айтылған бақылау міндетінен кейінгі БЕ тән басты шарт. Сонымен бақылау және тіркеу әдістерінің жиынтығы бірімен бірге тығыз байланысқан, бірінің мазмұны бірі  толықтырылып отырған жағдайда субъектінің жұмысын дұрыс  басқару, тексеру және талдау жұмыстарын экономикалық және  ғылыми-технологиялық тиімді әдістермен жүзеге асыруға болады. Жоғарыда айтылған негіздерге сүйене отырып, БЕ  субъектілердің шаруашылық процестерін ең әуелі бақылап,  орындалған жұмыстар мен өндірілген өнімдерді, жұмсалған материалдар мен шикізаттарды, қаржылар мен қаражаттарды сандық өлшемге келтіреді, бұдан соң барлық процестерді арнаулы құжаттарға қарай реттеп, тіркеу жұмыстарымен  аяқталады да оларды стандартқа сай жүргізіледі. Қандай да  болмасын шаруашылыққа қажетті есеп белгілі бір экономикалық кезеңдерге сай дамиды. Яғни, шаруашылық есеп материалды, өндірісті, өндіріс әдістерін, экономикалық бостандық жағдайын, нарық экономикасының дәрежесін т.с.с. сипаттап, талдап, белгілі бір шешім қабылдаудың басты мақсаттарын жүзеге асырушы, өз орыны, өз орыны, өз әдісі бар экономикалық пән. Шаруашылық есептің  қоғамдық өмірде алатын орны зор.

...