Саясаттану ғылымы неге ең алғаш Америкада пайда болды?

Адамзат тарихында саясат негізгі рөл атқарады және өзге қоғамдық ғылымдардың ішінде оның орны ерекше. Саясаттың ұғымдары мен тұжырымдамалары адамзаттың ақыл-ойының, тәжірибесінің, мәдениетінің дамуына байланысты пайда бола бастады. Ұлы ойшылдар саясатты тиімді пайдаланудың, мемлекетті орынды басқарудың әр-түрлі жолдарын іздестіре бастады.

Адам баласы саясаттың сырлары мен құбылыстарын ерте заманнан түсінгісі, білгісі келді. Олар саяси биліктің мәні мен мағынасын, халыққа қолайлы қоғамдық құрылыс түрлерін ойластырған. Бірақ олардың көзқарастары көбіне діни және мифологиялық түрде болды. Мысалы, гректер, қытайлар, үндістер алғашқы билікті құдай өзі жүргізді деп есептеген.

Саяси зерттеулердің дамуының нәтижесінде бірнше ғасырдан кейін саясаттану өз алдына жеке пән болып қалыптасты. ХІХ ғасырдың екінші жартысында АҚШ-тағы Колумбия колледжінде саясаттану ғылымына арналып арнайы кафедра ашылды. Осыдан бастап саясаттанудың қоғамдағы рөлі өсті. Саясат туралы баспалар шығып, мектептер, саяси ұйымдар, т.б құрыла бастады. Осылайша, саясат туралы ғылым халықаралық статусқа ие болды. Қазіргі таңда Америкада, Еуропада, шығыс елдерінде барлық жоғары оқу орындарында саясаттану жеке пән ретінде оқытылады.

Саясаттану ғылымы неліктен АҚШ-та пайда болды? Саясатты меңгеру экономиканың дамуына әсер етті. Феодализмнің ыдырауына байланысты капиталистік қатынастар қалыптасты, жалпыға бірдей сайлау құқығы енгізіле бастады. Көптеген саяси партиялар қанат жайды және саясаттың міндеттері мен қызметтері күрделенді. Сондықтан саясатты арнайы зерттеуге және теорияларын жасауға тура келді. Осы кезде Т.Джефферсон,

...