Қарулы қақтығыс кезіндегі халықаралық қызыл крест комитеті қызметкерлерінің құқықтық мәртебесі

Қарулы қақтығыс кезіндегі халықаралық қызыл крест комитеті қызметкерлерінің құқықтық мәртебесі

Мазмұны

Кіріспе.......................................................................................................................6

1 Халықаралық қызыл крест комитетінің жалпы сипаты....................................9

1.1 Қызыл крест қозғалысының құрылу тарихы...................................................9

1.2 Қызыл крест қозғалысының түсінігі, қағидалары  және міндеттері.............15

1.3 Халықаралық қызыл крест комитетінің тәжірибелік қызметі.......................23

2 Халықаралық  қызыл крест комитеті халықаралық құқық

субъектісі ретінде.....................................................................................................28

2.1 Халықаралық қызыл крест халықаралық ұйымдар жүйесінде......................28

2.2 Халықаралық қызыл крест комитетінің басқарушы органдары және олардың    

олардың құзыреті.....................................................................................................33

2.3 Халықаралық қызыл крест комитетінің қызметкерлерінің соғыс кезіндегі құқықтық мәртебесі.................................................................................................40  

2.4 Қазақстан Республикасының қызыл жарты ай қоғамы қызыл крест  халықаралық ұйым жүйесінде................................................................................50    

Қорытынды...............................................................................................................64

Пайдаланылған  әдебиеттер тізімі..........................................................................67

Кіріспе[pic 1][pic 2]

Бұл диплом жұмысының өзектілігі келесі жағдайлармен анықталады. Қазіргі кезде бірқатар мемлекеттерде соғыс ошағы тұтанып, қиырсыз созылған азаматтық соғыстың азабы мен ауырлығын, одан төнген қауіпті бүкіл әлем сезініп отыр. Осы жағдайда адамзаттың өміріне араша болуға ұмтылған Қызыл Крест комитетінің орны ерекше. Қызыл Крест комитетінің пайда болуы бір адам жанының күйзелісімен, жараланған солдаттардың тағдырына бейқам қарай алмаған ізгіліктің ізімен байланысты. Соңғы 140 жыл ішінде Қызыл Крест қозғалысы әлем бойынша қарулы қақтығыстардың нәтижесінде жапа шеккен, миллиондаған адамға көмек көрсетуде.

Швейцарлық азаматтың Италиядағы соғыстың куәсі болып, жараланғандар мен құрбан болғандардың жағдайына немқұрайлы қарай алмай, көтерген мәселенің негізінде қаланып, қазіргі кезде бүкіл әлемді мойындатқан ізгіліктің табы болып отыр. Ол: «Бейбітшілік пен тыныштық дәуірінде соғыс кезінде жарақат алған адамдарға еркін жәрдем көрсететін қауымдастық құруға мүмкіндік жасау қажет емес пе?»- деп жазған болатын. Донанның пікірінше, әр адам өз мүмкіндігі мен күшін пайдаланып, жақсылық көбейетіндей іс жасай алады. Оның ұсынысы жақсы қолдауға ие болды. Үкіметтер де соғыс кезінде әскерилер мен қарапайым халықтың жанын сақтауды талап етті. Нәтижесінде, Женевада 16 елдің өкілдерінің қатысуымен халықаралық конференция өтіп, соғыста жарақат алғандардың жағдайына көмектесу туралы 1864-ші жылдың қарары бекітілді. Бұл қарарға басқосуға қатысқан 12 елдің өкілі қол қойды.

Өйткені жүрегінде адамгершілік пен ізгілікке толы сезімге ие жандар әлемде жетерлік. Дәл осыған кезінде Анри Дюнанның күмәні болмаған шығар. Сол бастап берген ізгі жол бүгінге күнге дейін жалғасып, жалғасып қана қоймай, дамып және жетілдіріп қаншама адамзаттың өміріне араша болуда.    

Қызыл Крест қозғалысының маңыздылығы мен бірегейлігін тану үшін, әлем қауымдастығының дүниедегі ірі гуманитарлық ұйымды халықаралық құқық субъектісі ретінде мойындауы жеткілікті.

          Қозғалыстың халықаралық мәртебесінің ерекшеліктерін зерттеумен және жинақтаумен қатар бұл жұмыстың мақсаты мен міндеті "Per humanitatem ad pacem" ("Ізгілік жолымен әлемге") деген әйгілі ұранды тәжірибе жүзінде іске асыруды растау болып табылады.  Сонымен қатар ізгі іске араласқан Қызыл Крест қозғалысының қызметкерлері қалай қорғалады, олар қандай құқықтық мәртебеге ие екендігін, Қызыл Крестің халықаралық ұйым жүйесіндегі орны мен оның жетекші органдарының құзыретін ашу болады.