Онкология бойынша интерн-дәрігерлерге арналған клиникалық жағдай(CBD)

Онкология бойынша интерн-дәрігерлерге арналған клиникалық жағдай(CBD)

Дәрігердің қабылдауына 75 жастағы әйел  іштің төменгі аймағындағы кезеңді, толғақ тәрізді ауру және керілу сезіміне, нәжісі мен газдың дұрыс шықпауына, дене қызуының 39ºС-қа дейін көтерілуіне  шағымданды. Тазалау клизмасын бірнеше рет жасаған, бірақ одан жеңілдік болмады. Кастор майын қолданған. Соңғы күндері іштегі ауырсыну сезімінің күшеюіне байланысты жедел жәрдемді шақырған және ҚА-ның ХБ-не тексеріліп, емделу үшін жеткізілген.

Боткин ауруы,туберкулез,тері-венерологиялық аурулары жоқ. Менархе  12 жастан,  3-4 күн бойы, 28 күн сайын, ретті, менопауза 53 жасынан басталды. Қосымша аурулары: созылмалы пиелонефрит. Тұқым қуалайтын ісік аурулары жоқ. Операция: – 1976 жылы аппендэктомия жасатқан.

Объективті қарау:

Науқастың жағдайы орташа ауырлық дәрежесінде, есі анық. Нормостеникалық дене қалпында,  бойы  167 см, салмағы 64 кг. Тері жабындылары бозғылт түсті, таза.Тынысы везикулярлы, сырылдар жоқ. Жүрек тондары анық, ритмді. Пульс минутына 72 рет. АҚ 120/70 мм.сын.бб.

Status localis. Таңдайдың ішкі беткейінің, тілдің төменгі беткейінің шырышты қабаттары бозғылт. Қызыл иегі бозғылт. Тілі құрғақ, ақ жабындымен жабылған. Пальпациялағанда іші аздап кепкен, сол жақ мезогастральды-мықын аймағында бұлшықеттердің аздап қатаюы және ауырсынуы байқалады. Тоқ ішектің ректосигмоидты бөлімінің проекциясында 6х7 см-лік ауырсынатын, әлсіз қозғалмалы ісік тәрізді түзіліс пальпацияланады. Перитонеальды симптомдары жоқ . Аускультативті - перистальтикалық шу байқалады.

• Болжамды диагнозды қойыңыз.
• Қойылған диагнозды негіздеңіз.
• Тексеру жоспарын  құрыңыз.

Тексеру нәтижелері:        

1. Жалпы қан анализі

2.Ирригоскопия (прицельная рентгенограмма)

[pic 2]

1. Онкомаркерлерге анализ