Алматы ауасының ластануының халық денсаулығына әсерін талқылаңыз

Алматы ауасының ластануының халық денсаулығына әсерін талқылаңыз

Алматы- Қазақстанның ең ірі, әрі ең әсем қалаларының бірі. Алматы дегенде оның таулармен ерекшеленген ерекше табиғаты еске түседі. Бірақ қазір Алматы қаласында сол табиғатына кері әсерін тигізіп жатқан экологиялық бұзылыс, ауаның ластануы өте жоғары деңгейде болып тұр. Ауаны кімдер ластап жатыр? Әрине, адамдар. Зауыттардан лас түтіннің бөлінуі, қоқыстардың көптеп шығарылуы, түрлі өнеркәсіп салаларының,  көліктердің шамадан тыс көбеюі адамдарға да өз зиянын бермей қоймайды. Ауаның өте қатты ластануынан қазір Алматы қаласын смог басып тұр. Иә, көліктер адамға басқа жерлерге тез қатынауына мүмкіндік береді, бірақтанда ол улы газдарының барлығын ауаға шығарып жатыр. Ал адам ауамен тыныс алады ғой!

  Адам сол лас ауамен тыныс алғандықтан көптеген патологиялық ауруларға шалдығып жатыр. Лас ауаның әсерінен өлімге ұшырататын жүрек аурулары, жүйке жүйесінің аурулары, тыныс алу жолдарының аурулары, респираторлық аурулар, қатерлі ісік аурулары пайда болады. Мысалы, көмірсутектердің бөлінуі қатерлі ісіктің пайда болуына әкеледі. Лас ауаның құрамындағы түрлі қоздырғыш заттар адам ағзасына түсіп тыныс алу жолдарын зақымдап, бронхит, астма секілді ауруларды тудырады. Қазір де адамдар арасында өршіп тұрған аллергияның ең басты себептерінің бірі химия өнеркәсібінен. Осылармен қатар ол иммундық жүйені түсіріп, адам тез әлсіреп, тез шаршайтын болады. Бұл экологиялық бұзылыс өмір сүріп жатқан адамдарды ауру қылып қоймай, туылып жатқан сәбилерді де әртүрлі патологиялық ауруларға душар етіп отыр. Осы бір лас ауа әсері ұрпақтарымызға дейін өз зиянын келтіріп отыр. Қазір Алматы қаласында ауаның ластануы жылдан-жылға артып, өлім-жітім одан әрі көбейіп жатыр. Осылай жалғаса берсе не болмақ?