Мен қандай адаммын

ЭССЕ

Мен қандай адаммын

Мен оң мен солын танитын, ақыл тоқтатқан, ақыл есім

бүтін, өз құқықтарын қорғай алатын ересек азаматпын. Ішкі

даусым өзімнің кім екенімді және қандай өмірлік

ұстанымдарым бар екенін айтып тұрады, басқалардың

жаман ықпалына беріле салмайды. Өз өміріме өзім ие

болуға ерік-жігерім жетеді.

Менің өзіме айрықша байқалатын қасиеттерім бар. Өз

өзіме сенімдімін, алға қойған мақсаттарыма жетуді басты

орынға қоятын адаммын. Жануарларға қамқорлықпен

қараймын. Ауылда тұрған соң болар, үй жануарлары қатты

ұнайды.

Әлсіз жақтарымда жоқ емес. Шынжырдың әлсіз жері бүкіл

шынжырды әлсіз етеді. Бұл дегеніміз - әлсіз жақтарыңмен

күреспесең, олар сені бір пәсте құрдымға әкетеді. Іштей

Құдай заңына қуанамын, алайда бойымда басқа бір заңның

бар екенін байқаймын. Ол қандай заң екенін білмеймін.

Бойымдағы өзгерту керек қасиеттерім: көп кешігемін,

жалқаулығымда бар. Уақыт қадірін кеш түсінемін. Көп

ұйықтаймын, әлеуметтік желіде көп отырамын. Осы

әдеттерімді қою үшін біраз нәрсе жасадым. Өз – өзіме

режим жасадым, мотевация беретін киноларды да көрдім,

бірақ әлі күресіп келемін. Өз әлсіз жақтарымды есіме жиі

түсіріп жүремін, қателік жасамас үшін.

Мен жел қайда соқса, сонда еріксіз кете беретін қаңбақ

сияқты емеспін. Қайта, алдына нақты мақсаттар қойып,

соларға қол жеткізуге күш салатын адаммын. Мақсатым: ата

анамның үмітін ақтау. Еліме – жеріме титтей болсын

пайдамды тигізу. Тарихта қалатындай адам болу. Бақытты

адамдардың бірі болу. Үйлену – үй болу.

Нақты ұстанымдарың болмаса, өз-өзіңе сенімсіз боласың.

Мұндайда түсін өзгертіп құбылатын хамелеон сияқты.