Әлеуметтік желілердің оқу мотивациясына әсері

ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ

Абай атындағы Қазақ ұлттық  педогогикалық университеті

Әлеуметтану

     РЕФЕРАТ    

               Тақырыбы : «Әлеуметтік желілердің оқу мотивациясына әсері»

                                Орындаған : Әшімұлы Нұрислам  ФЕК 257

                                Тексерген : Мырза Ернат Айдынұлы

                                                              Алматы 2025

                                      МАЗМҰНЫ

КІРІСПЕ

НЕГІЗГІ БӨЛІМ

I.I Әлеуметтік желілердің жастар өміріндегі рөлі

I.II Оқу мотивациясы: түсінігі мен түрлері

I.III Әлеуметтік желілердің оқу мотивациясына оң әсері

I.IV Әлеуметтік желілердің оқу мотивациясына теріс әсері

I.V Оқу мотивациясын арттырудағы әлеуметтік желілерді тиімді пайдалану жолдары

ҚОРЫТЫНДЫ

ҚОЛДАНЫЛҒАН ӘДЕБИЕТТЕР ТІЗІМІ

I. Кіріспе

Қазіргі заманда әлеуметтік желілер қоғам өмірінің ажырамас бөлігіне айналды. Әсіресе жастардың күнделікті өмірінде олар үлкен рөл атқарады. Интернет пен әлеуметтік желілер білім алудың жаңа мүмкіндіктерін ашқанымен, кей жағдайда оқу мотивациясының төмендеуіне де әсер етуі мүмкін. Бұл тақырыптың өзектілігі – жастардың оқу үлгерімі мен қызығушылығына әлеуметтік желілердің ықпалын зерттеу қажеттілігінде жатыр. Себебі білім сапасы – жеке тұлғаның және тұтастай қоғамның дамуының маңызды факторы. Зерттеу мақсаты – әлеуметтік желілердің оқу мотивациясына оң және теріс әсерін анықтау және оларды тиімді пайдалану жолдарын ұсыну. Негізгі ұғымдарға тоқталсақ:

• Әлеуметтік желі – интернет арқылы адамдардың байланыс орнатуына, ақпарат алмасуына және контент жариялауына мүмкіндік беретін онлайн платформа (мысалы: Instagram, TikTok, WhatsApp, Telegram).
• Оқу мотивациясы – адамның білім алуға деген ішкі қажеттілігі мен қызығушылығын білдіретін психологиялық құбылыс.

Технологияның дамуы жастардың күнделікті өміріне айтарлықтай әсер етті. Instagram, TikTok, Telegram сияқты әлеуметтік желілер тек байланыс құралы емес, сонымен қатар білім алу мен ақпарат алмасудың маңызды алаңына айналды. Олар арқылы оқушылар мен студенттер онлайн курстарға қатысып, танымдық видеолар көріп, әртүрлі білім беру блогтарынан ақпарат ала алады.

Оқу мотивациясы – білім алушыларды жаңа білімге жетелейтін негізгі күш. Ол адамның жеке жетістігіне, кәсіби дамуына және болашақтағы өмірлік мақсаттарына тікелей ықпал етеді. Сондықтан әлеуметтік желілердің оқу мотивациясына әсерін зерттеу өзекті мәселе. Бұл эсседе жастар өміріндегі әлеуметтік желілердің рөлі, оқу мотивациясының мәні, оң және теріс ықпалдары мен оларды тиімді пайдалану жолдары қарастырылады.

II. Негізгі бөлім

1. Әлеуметтік желілердің жастар өміріндегі рөлі

Қазіргі қоғамда әлеуметтік желілер тек байланыс құралы ғана емес, жастардың күнделікті өмір салтына айналған үлкен орта болып отыр. Таңертең оянған сәттен бастап, ұйықтар алдында да көпшілігіміз телефонды қолымызға алып, жаңалықтар мен хабарламаларды қараймыз. Әсіресе жастар үшін әлеуметтік желі – достарымен қарым-қатынас жасау, білім іздеу, көңіл көтеру және өз ойын ашық білдіру алаңы.

 Әлеуметтік желілердің пайдасы да, зияны да бар. Пайдалы жағына тоқталсақ, олар білім алуға мол мүмкіндік береді. Мысалы, Telegram-дағы оқу топтары мен YouTube-тегі танымдық арналар жаңа тақырыптарды түсінуге, үй тапсырмасын орындауға септігін тигізеді. Сондай-ақ, әлеуметтік желі арқылы әлемнің әр түкпіріндегі адамдармен танысып, ой бөлісуге болады. Бұл жастардың дүниетанымын кеңейтіп, әртүрлі мәдениеттерді танып-білуге жол ашады.