Ата-ана мен баланың ара қатынасы және Отбасы институты

ӘОЖ(УДК) M777

Серік Мұхаммеджан

Жамбыл инновациялық жоғарғы колледжінің

4 курс білім алушысы

muhammedjanserik@gmail.com, +77479774074

Ата-ана мен баланың ара қатынасы және Отбасы институты

Бұл дүниедегі ең сүйкімсіз іс - отбасы ішіндегі ұрыс керіс, әсіресе, ата-анасымен ұрысқан бала. Алайда, “бала мен ата-ана арасындағы келіспеушіліктер” тақырыбы күннен күнге ауқымдырақ болып келеді, және қазіргі таңда тек Қазақстанды ғана емес, бүкіл әлемді ойландыратын мәселелер тудырып жатыр. Соның салдарынан бүгін желіден мынадай жаңалықтар оқи аласыз;

АҚШ-тың Луизиана штатында Кламидия атты 18 жасар қыз өз есіміне разы болмай, ата-анасын сотқа беріп, 4,8 миллион доллар талап еткен.[1]

18 жасар Рейчил Каннинг: “Бірге тұрамыз”- деп, ата-анасының үйіне жігітін алып келген, олар қарсылық білдіргенде, үйден қашып кетіп, келесі күні: “Ақша бермей жатыр”- деген сөздермен ата-анасын сотқа берген. [1]

Алыс емес, өзіміздің Алматымыздан, жасы 80-ге келіп қалған Қадір Нукин өзінің 20 жыл бұрын Америкаға кетіп қалып, әкесімен хабарласпаған бала шағасынан Алимент талап етіп отыр. [2]

Бұндай үлкен мәселелер қайдан шығады? Балалардың ата-ананы құрметтемеуінің себебі қайда жатыр? Заман бұған қалай әсер етеді? Және қалай бұның алдын алуға болады?

Бұндай мәселелердің шығатын көзі - дұрыс берілмеген тәрбиеден екені айдан анық. Ең қызығы - жоғарыдағы барлық жағдайларда ата-аналар балаларына беріп жатқан тәрбиесінің дұрыстығына күмәнданбаған, бірақ жылдар өткен соң, нәтижені көріп, аң-таң болады.

Ата аналардың ең көп жіберетін қателіктерінің бірі - бала мен ересекті екі адам деп түсінуі. Егер дұрыстап ойлансаң, баланың 10 жасар кезі мен 20 не 30 жасар кезінде үлкен айырмашылық болмайды, 3 кезеңде де бала бір мимен ойланады, бір әдеттермен жүреді, 3 кезеңде де балалардың бір жаны, бір тәні болады. Демек баланың отбасыдағы орыны оның болашақта мектептегі және жұмыстағы орынына тікелей әсер етеді. Егер бала 7 жасында ата-ананы сыйламаса, оның 18 не 25 жасында да ата-ананы сыйлауы екі талай, ал ата-аналар 7 жасар баланы тәрбиелеген кезде оның өсе келе бәрін өзі түсінінетіне өте үлкен үміт артады. Отбасылық өмірде бұл құбылыс көзге түсетін қандай зияндарын тигізіп жатыр? Бірден ескеріп кетейік, жақсы баланы тәрбиелеу - қиын, әрі қымбат іс, көп еңбек, уақыт пен шығынды талап етеді, арзан тәрбие арзан баланы шығарады, сол үшін баланың қаншалықты тәрбиелі болатыны сіздің оған қанша күш пен уықытыңызды бөлетініңізге тікелей байланысты.