Психология менің өмірімде және кәсібімде

Психология менің өмірімде және кәсібімде

Адам өміріндегі басты таңдаулардың бірі - ол мамандық таңдау. Бірақ қандай кәсіп болса да психологияның сол кәсіпке қатысы өте үлкен. Мысалы менің болашақ мамандығым-физика мұғалімі. Ол қызыққа, креативтілікке, игі істерге толы мамандық.Бұл мамандық өте төзімділікті, шыдамдылықты, білімділік пен біліктілікті, мейірімділік пен талап қоя білуді керек етеді. Оқушыларды өзіме тарту, әр оқушының қырларын танып білу, оқыту мен білім беруден бұрын әр оқушының психологиялық ерекшеліктерін ескеру, бұлардың бері психологияға келіп тіреледі . Ия психологияның педагогикада алар орны ерекше. Енді психологияның менің немесе жалпы адамзаттың өміріне қандай қатысы бар екенін анықтасақ.

Ең алдымен, «Психология дегеніміз не?» деген сұраққа жауап берейік. Психология -белгілі бір психикалық процестердің қалыптасу, даму, пайда болу, қалыптасу ерекшеліктерін зерттейтін ғылым. Бұл сондай-ақ мотивация, сезім, эмоциялар сияқты белгілі, ең көп кездесетін психикалық жағдайларды зерттейтін ғылым.  Ал енді ең негізгі сұраққа жауап беріп көрелік. Менің өмірімде психологияның маңызы қандай? Біріншіден, менің ойымша, психология-жеке тұлғаның ішкі жан дүниесі, мінез-құлқы, түрлі сезімдері және ақыл-ойы. Психология адам өмірінде маңызды рөл атқарады. Психология адамға мінез-құлық, қарым-қатынас, қоршаған әлемді білу және мінез ерекшеліктерінің әдеттегі жиынтығы ретінде көрінеді. Шын мәнінде, психология-бұл біздің күнделікті өміріміздің бір бөлігі. Мектеп, университет, жұмыс-барлық жерде әр түрлі адамдармен байланысу қажет. Бұл жерде күнделікті психология қажет болады. Адаммен дұрыс қарым-қатынас жасай білу үшін психолог болу міндетті емес, тек психологияның қарапайым негіздерін білу жеткілікті. Біздің әрқайсымыз белгілі бір дәрежеде психологпыз: туыстар үшін, достар үшін. Себебі, біздің өмірімізде, ең алдымен, адамдардың бір-бірімен қарым-қатынас жасай алмауымен, ымыраға келе алмауымен, сол немесе басқа шешімді уақытында қабылдай алмауымен, кейбір жағдайларда бір-біріне көне алмауымен байланысты көптеген мәселелер бар. Бұл тек психологияны түсініп, жан-жақты зерттеу арқылы үйренуге болатын өнер түрі.