Әл-Фараби мен үшін

                                         Әл-Фараби мен үшін...

     Әл-Фараби... Жалпы Әл-Фараби дегенді естігенде көпшілігіміз оның түркі халқынан шыққанын,оның ішінде өз өлкеміз Отырарда дүниеге келгенін еске алып жатамыз.Оған қоса ол жайлы ең көп тараған мәліметтер,оның 870 жылы Отырарда дүниеге келіп,950 жылы Дамаск қаласында дүниеден өткені жайлы,сонымен қатар оның әлемнің екінші ұстазы деген атаққа ие екені жайлы көп айтылады.Әрине,біз кітаптан оқыған Әл-Фарабиді осылайша ғана танып білеміз.Бірақ әлемнің екінші ұстазы туралы бұдан да басқа көптеген адам біле бермейтін мәліметтер жоқ емес.

     Әбу Насыр Әл-Фарабиді мен әлемнің екінші ұстазы ретінде және одан да бөлек ойшыл,философ,социолог,математик,физик,астроном,ботаник,лингвист,логика,музыка зерттеушісі ретінде таныймын.Иә,бір қарағанда әлемнің ұстазы деген атақпен осы аталған ғылым түрлерін бір мағынада көруге боладығой деген ой келуі мүмкін.Бірақ,солай дегенмен де мен Әл-Фарабиді толық тану үшін әр ғылым түріне жеке назар аударуға тырыстым.Оның зерттеген ғылым түрлері өте көп.Және біздің ойымызша әлем ұстазы деген аттаққа ие болу үшін математика,физика,астрономия,философия деген күрделі ғылымдарды зерттеу керек,сонда ғана сол жетістікке жетуге болады деп ойлаймыз.Негізінен бұл пікірді де дұрыс деп санауға болады,бірақ осындай өте күрделі де қиын ғылым салаларына қосып тағы да көптеген ғылым салаларын зерттей түскенде ғана  сол деңгейге жеткенін білуге болады.Міне,біз таныйтын ғұлама Әл-Фараби осындай жолмен әлем ұстазы атағына ие болды.Негізінен көбіміз бұл ғалымның атын естігенде тек астрономия және философия ғылымдарын ғана еске түсіреміз.