Менің өмірімдегі көшбасшы

         «Өрлеу біліктілікті арттыру ұлттық орталығы» АҚ филиалы

                     «Ақмола облысы бойынша ПҚ БАИ»

           Эссе «Менің өмірімдегі көшбасшы»

                                              Дайындаған:Искакова З.Т

Менің өмірлік көшбасшым,ақылшым,досым,кеңесшім ол-әкем.

Олай айтудың жөні бар.Осы кезге дейінгі өмірлік жолында жеткен жетістігім әкемнің арқасы деп білемін.

   Менің әкемнің отбасымызда ойып тұрып орын алуы әрине,анамыздың тәрбие-тәлімінде екенін мойындаймын. Мойындай отырып,әділ ақылшы болғанын байқап ,сездім.

Әкем орта бойлы, кең иықты, мінезі ауыр, көп сөйлемейтін,жайдарлы, көпшілікпен тіл табыса алатын кеңпейіл адам болатын.

Ол кісі анамызды қатты сыйлайтын, құрметтейтін.Балаларына соның ішінде маған ерекше көңіл бөлетін. Анама екі ұлың бір төбе, ақ Зәукенім бір төбе дейтін.Үнемі қолдау көрсетіп, сабақ оқуыма өте қатты қарады.Әкеме деген махаббатты түсіндіру қиын болар.Дегенмен шынайы жақсы көретін ер азамат бола білді. Осындай махаббатың бар екенін сезінгеннен болар, қазіргі таңда бас қосқан қосағым, жарым дәл сондай.Мен жолдасымды құрметтеймін, сыйлаймын .Амал қанша әкем өмірден  ерте кетті.  Менің оқуды қызыл аттестатқа, қызыл дипломға бітіргенімді көрмей кетті.Сонымен қысқа қайырар болсам ойымды, «ұяда не көрсең, ұшқанда соны ілерсің »деген нақыл сөздің бір шындығын дәлелдегендей. Яғни мен өз ұямда әкемнің махаббатын, жылылығын сездім.Қазір отбасымда жарыма, оның маған деген қарым-қатынасы дәл осылай жалғасуда.Осындай үлкен адамшылық, махаббатқа, сенімділікке толы отбасында тәрбиеленіп жатқан ұлдарым да болашақта тәрбиелі болады деген сенімдемін.  Мен әкемді сағынамын.Әттең, әттең...